startimes
startimes

Ingabo za FARDC zishe umuyobozi w’umutwe RUD Urunana waherukaga kugaba igitero i Musanze

Amakuru   Yanditswe na: Dusingizimana Remy 10 November 2019 Yasuwe: 6237

Ingabo za FARDC za Repubulika Iharanira Demukarasi ya Congo biravugwa ko zishe umuyobozi w’umutwe wa FDLR RUD Urunana, Gen. Musabimana Juvenal uzwi nka Afurika Jean Michel.


Sponsored Ad


Ku rubuga rwa Twitter hacaracaye amafoto menshi ya Gen.Afrika Jean Michel arambaraye hasi ari kuvirirana, ku mugoroba wo kuri uyu wa 9 Ugushyingo 2019.

Iki gisirikare (FARDC) ngo cyiciye Gen. Jean Michel mu gitero cyagabye muri Teritwari ya Rutshuru mu ntara ya Kivu y’Amajyaruguru.

Amakuru dukesha ikinyamakuru Rwanda Tribune aravuga ko Gen Afurika yiciwe muri iyi mirwano yashamiranyije umutwe udasanzwe wa HIBOU SPECIAL FORCE w’ingabo za FARDC,n’inyeshyamba za RUD URUNANA P5.

Abaguye mu mirwano umubare umaze kumenyekana, ni inyeshyamba icumi harimo n’uzwi ku mazina ya Colonel Kagoma akaba yapfanye na Juvenal Musabyimana Afurika uzwi ku mazina ya Gen.Afurika Jean Michel.

Umuvugizi wa FARDC muri Kivu y’Amajyaruguru Major.Ndjike Eric yemereye ikinyamakuru Rwandatribune.com kuri telephone ko inkuru y’urupfu rwa Gen.Afurika ari impamo.

Imgabo RDC zihaye gahunda yo kurandura imitwe yitwaje intwaro ihakorera ariyo mpamvu gikomeje kwica abarwanyi bakomeye barimo uwitwa Gen.Mudacumura bishe mu minsi ishize wayoboraga FDLR none bageze no kuri Gen Afurika Jean Michel.

Umutwe wa RUD Urunana ni wo wagabye igitero mu karere ka Musanze mu mirenge ya Kinigi na Musanze mu ntango z’Ukwakira, abantu 14 bakahasiga ubuzima. Ibi byatangajwe n’abagabye iki gitero bafashe ubwo baganiraga n’itangazamakuru.

Hagati mu Kwakira 2019, ingabo za Congo-Kinshasa muri Operasiyo Zokola 2 zagabye igitero ku nyeshyamba za RUD Urunana muri teritwari ya Rutshuru. Abarwanyi 14 b’uyu mutwe baguye muri uyu mutego, Gen. Afrika Jean Michel akomereka bikomeye gusa yaracikishijwe.

Gen.Afurika Jean Michel yavutse mu wa 1967 avukira mu cyahoze ari Komini Giciye, yize amashuri yisumbuye muri College Inyemeramihigo ku Gisenyi ahita ajya mu ishuri rya Gisirikare ESM mu cyiciro cya 31 arangiza ari sous-Lietenant.

Asize abana 12 barindwi yababyaye k’umugore mukuru uri mu Rwanda,mu Karere ka Nyabihu,batanu yababyaye k’umugore wa kabiri yari afite ahitwa INyabanira ho muri ahitwa Binza muri Kivu y’Amajyaruguru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble sezikeye

    Ngizo ingaruka zo kurwana no kwicana.Nta kabuza nawe bikugiraho ingaruka.Imana itubuza kwica abantu yaremye mu ishusho yayo.Uretse no kwicwa n’abandi bantu,Imana nayo ivuga ko ku munsi w’imperuka izica abantu bose barwana nkuko Matayo 26,umurongo wa 52 havuga.Kimwe n’abandi bantu bose bakora ibyo Imana itubuza.Hazarokoka gusa abantu bumvira imana,birinda gukora ibyo itubuza.Imana idusaba "gukundana".Intambara Imana isaba abakristu nyakuri,ni ukujya mu nzira tukabwiriza abantu ijambo ry’imana.Intwaro imana yaduhaye,ni bible dukoresha tubwiriza abantu.
    Tukibuka ko abantu bose bakora ibyo Imana itubuza batazabona ubuzima bw’iteka muli paradizo.

    November 2019

Inzindi nkuru

Umugore yaguye gitumo umugabo we aryamanye n’umukobwa we

Umugore wamaze gutandukana n’umugabo we yamenyesheje polisi ko yaguye gitumo...
8 August 2020 Yasuwe: 4624 0

Congo:Urugo rwa Moise Katumbi rwarashweho amasasu

Ishyaka ‘Ensemble’ ribarizwamo Moise Katumbi riravuga ko urugo rwa Perezida...
8 August 2020 Yasuwe: 2300 0

Umugabo wahinduye ikamyoneti ye urugo, ayubakamo ibyumba bitatu yateje...

Umugabo wo muri Ethiopia witwa Abinet Tadesse, yubatse inzu mu ikamyoneti...
8 August 2020 Yasuwe: 5229 0

Mu ishyamba rya Kibira habonetse indi mirambo y’abantu 12 bakekwaho kuba...

Mu ishyamba rya Kibira, ahaherera mu giturage cya Gafumbegeti muri Komine...
8 August 2020 Yasuwe: 3854 0

Umugabo n’umugore bamaze igihe bacana inyuma rwihishwa bahuriye muri Lodge...

Mugihe abantu benshi bahangayikishijwe ningaruka za covid19, abantu bamwe...
8 August 2020 Yasuwe: 3302 0

Umupolisi ari mu mazi abira nyuma yo gufata abakobwa babiri bari munsi...

Umupolisi wo muri Kenya ari mu mazi abira nyuma yo gufata abakobwa babiri...
8 August 2020 Yasuwe: 2317 0