addresiya
startimes

Ingabo za Leta ya Congo zakajije imyitozo yo kurwanira mu mashyamba

Amakuru   Yanditswe na: Martin Munezero 16 December 2019 Yasuwe: 2229

Mu gihe leta ya Repubulika iharanira Demokarasi ya Congo, ikomeje intego yo guhashya no guca burundu imitwe y’inyeshyamba iri muri iki gihugu, ingabo za Leta FARDC, zatangiye imyitozo izifasha kuba inzobere mu kurwanira mu ishyamba.



Muri iyi myitozo, FARDC irikuzifashwamo n’ingabo za Brazil ziri mu butumwa bw’amahoro muri Repubulika Iharanira Demukarasi ya Congo kugira ngo zizashobore kujya zihangana n’imitwe yitwaje intwaro icumbitse mu mashyamba ari mu burasirazuba.

Izi ngabo ziri gutorezwa mu mashyamba ari muri teritwari ya Beni yiganjemo inyeshyamba z’umutwe wa ADF, uvugwaho kuba ufitanye isano n’idini rya Islamu, igikorwa kikazamara amezi atatu.

Lieutenant Colonel Adelmo Carvalho avuga ko ari byiza ko ingabo za Brazil ziri muri MONUSCO ari zo zitoza ingabo za Congo kubera ko amashyamba ari mu burasirazuba bw’iki gihugu ameze nk’irya Amazon riri ku mugabane w’Amerika, igice kinini kigakora kuri Brazil.

Akenshi imitwe yitwaje intwaro muri iki gihugu bivugwa ko igabwaho ibitero maze igahungira mu mashyamba cyangwa se ikajyamo imaze guteza umutekano muke imbere mu gihugu. Ibi bitera ikibazo ingabo za Congo zitamenyereye kurwanira mu mashyamba kandi zishaka kurandura iyi mitwe burundu.

Muri iki gihe ingabo za Congo zafashe ingamba ntakuka zo kugaba ibitero simusiga kuri iyi mitwe irimo na ADF ni ko n’ibikorwa byayo byo kwica abaturage byiyongera; bikaba bitekerezwa ko byaba ari ukwihimura ku ngabo z’igihugu cyangwa se kuzica intege ngo zireke gukomeza kuyirwanya.

Ibikorwa byibasira umutekano w’abaturage umutwe wa ADF ukomeje muri teritwari ya Beni ni byo byatumye Perezida Tshisekedi afata ingamba zo gusimbuza abasirikare bari basanzwe bari mu butumwa bwo kubungabunga amahoro n’umutekano 11,000 bagasimbuzwa abandi b’umutwe udasanzwe bagera ku 21,000.

Ibi byakozwe ku busabe bw’abaturage ba BENI basabaga ko ingabo za MONUSCO zakurwa kuri ubu butaka kuko bavugaga ko ntacyo zibamariye gusa Tshisekedi yazisabye ko ahubwo zakwifatanya n’igisirikare k’igihugu kurinda umutekano wa Beni. Iki gikorwa cyo gutoza ingabo z’igihugu kurwanira mu mashyamba ni umusaruro w’ingamba zihuriweho zafashwe na FARDC ndetse na MONUSCO ku bw’umutekano wa Beni.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Amanda arangiza inshuro zirenga 50 ku munsi iyo ari gutera akabariro,yabaye...

Umukobwa wi’myaka 22 uzwi nka Amanda Grace afite uburwayi budasanzwe,...
31 May 2020 Yasuwe: 7544 1

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1912 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4688 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1368 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3415 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1331 0