addresiya
startimes

Inzu umugore yubatse mu mafaranga yahabwaga yo guhaha yatumye umugabo agwa igihumure ajya muri koma

Amakuru   Yanditswe na: Martin Munezero 9 May 2020 Yasuwe: 10016

Umugore ukomoka mu gihugu cya Nigeia yubatse inzu y’ibyumba bitatu umugabo we Juan Joseph atabizi, akoresheje amafaranga make make yakuraga ku mafaranga yo guhaha no gukemura ibibazo byo mu rugo umugabo we yabaga yamusigiye.



Iyi nzu iherereye mu gace ka Sabo Tasha mu gasanteri ka Kaduna,.uyu mugore yagize iki gitekerezo cyo kujya azigama aya mafaranga nyuma yo kubona ko umugabo we asesagura cyane. Uyu mugore yagerageje kuyubaka mu ibanga ku buryo uretse n’umugabo we, nta n’undi muturanyi wigeze abimenya.

Ni inzu ifite ibyangombwa byose ku buryo irimo n’amazi,, umugabo yituye hasi atakaza ubwenge nyuma y’uko umugore we ayimweretse, akamubwira ko yubatswe mu mafaranga yizigamiye ayakura kuyo yabaga yamuhaye yo guhaha.

Mu nkuru yanditswe na Face of Malawi, ngo nyuma y’amezi abiri gusa uyu mugore yujuje iyi nzu, Juan Joseph yaje kwirukanwa bitunguranye ku kazi, ndetse n’amafaranga y’ubukode bw’aho babaga yari yarashizemo mbere ho amezi atatu.

Umugore yaje gusaba umugabo we Juan Joseph kumuherekeza bakajya gusura inshuti ye maze umugabo aramwemerera, anamutwara mu modoka ye yo mu bwoko bwa Toyota gusa we ntiyari azi aho iyo nshuti ye yavugaga ituye.

Bageze aho iyo nzu iri umugore amusaba guparika, umugabo abona atangiye gufungura imiryango, niko kumubaza ati “Ni inde waguhaye urufunguzo rwo mu rugo rw’abandi, kuki uri gufungura inzu y’abandi?“. Umugore yaramwihoreye akomeza gukingura maze asaba umugabo we kwinjira.

Ubwo umugabo yari amaze kwinjira, umugore we yahise amubwira ko ari inzu yabo bombi, yubatswe mu mafaranga yo guhaha umugabo yatangaga, aho mu ijwi rinejeje yabwiye umugabo we ati:

Nubatse iyi nzu mu mafaranga nizigamye, nyakuye ku yo wampaga buri munsi yo guhaha no gukemura ibindi bibazo byo mu rugo.

Umugabo akibyumva yahise yitura hasi atakaza ubwenge agwa muri koma, ahita ajyanwa ku bitaro bya Kaduna aho yamaze iminsi yitabwaho muri ibyo bitaro.

Nyuma yo kugarura ubwenge no gusezererwa muri ibyo bitaro, Juan Joseph yavuze ko yatuwe hasi n’ibyishimo, nyuma yo kumva aayo makuru byari bimugoye kumva no kwakira.

Umuturanyi wabo witwa Agatha, yemeza ko uyu muryango kuva mu ntangiriro z’ukwezi kwa Kabiri, wahise wimukira muri iyo nzu yabo ubu bakaba ari ho batuye bishimye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Uwo niwe mugore abandi barabeshya

    3 weeks ago
  • chat_bubble kazingumu

    Umugore uzi ubwenge ni aho agaragarira yegeranya nutwo duke àba yahawe imana ikomeze kwagura imirimo ye

    3 weeks ago

Inzindi nkuru

Perezida Magufuli yashimiye abaturage ba Tanzania kutambara...

Kuri uyu wa Gatanu, Perezida wa Tanzaniya, John Pombe Magufuli, yashimiye...
5 June 2020 Yasuwe: 4482 0

Akari ku mutima w’abahagarariye rya Torero rya mbere rya Satani muri...

Pretoriya – Itorero rya mbere rya satani ryatangijwe muri Gashyantare uyu...
5 June 2020 Yasuwe: 2475 0

Umuhanzi na Gafotozi basabwe gusaba imbabazi Perezida wa Zambia bitarenze...

Muri Zambia umuhanzi witwa Brian Bwembya n’umufotozi Tukuta Chellah basabwe...
5 June 2020 Yasuwe: 746 0

Diane umukobwa mwiza yavuze uburyo yagurishije roho ye na Satani

Umukobwa wo muri Nigeria witwa Diane Emily Kamsi akomeje kwigarurira...
4 June 2020 Yasuwe: 3664 0

Haravugwa amarozi muri Perezidansi ya Congo[IPEREREZA RIRI GUKORWA]

Iby’impfu zikurikiranye mu bayobozi begereye Perezida wa Repubulika...
4 June 2020 Yasuwe: 2045 0

Umusore w’umunyeshuri ari gushinjwa n’abakobwa 24 bose kubafata ku...

Umukozi w’umutungo utimukanwa (Umukomisiyoneri) uzwi ku izina rya Godknows...
4 June 2020 Yasuwe: 2026 1