startimes

Kamonyi:Hafashwe abajura 7 barimo umukecuru w’imyaka 80

Amakuru   Yanditswe na: Martin Munezero 14 October 2019 Yasuwe: 6668

Kuri uyu wa Gatandatu tariki 12 Ukwakira 2019,mu murenge wa Kayenzi mu karere ka Kamonyi hafatiwe abasore batandatu n’umukecuru umwe w’imyaka imyaka 80 bamaze kwiba muri butike y’uwitwa Gatete Janvier.


Sponsored Ad


Abafashwe ni Nirere Pacifique w’imyaka 23, Ukwizagira Eric ufite imyaka 20, Nitegeka Bosco ufite imyaka 20, Nsengiyera Vincent w’imyaka 38, Nshuti Jackson w’imyaka 32, Simparika Theophile w’imyaka 32 n’umukecuru witwa Uzamushaka Véronique ufite imyaka 80. Uyu mukecuru akurikiranweho kuba yaranze gutanga amakuru y’aho ibicuruzwa biri nyamara mu gihe bariya basore babyibaga bagiye kubihisha mu nzu ye ndetse inzego z’umutekano zajya gusaka zikabisangamo. Gusa, uyu mukecuru ntabwo yafunzwe, arakurikiranwa ari iwe mu rugo.

Umuvugizi wa Polisi mu Ntara y’Amajyepfo Chief Inspector of Police (CIP) Sylvestre Twajamahoro avuga ko mu rukerera rwa tariki ya 12 Ukwakira Polisi y’u Rwanda ubwo yari mu gikorwa cy’umutekano yatabajwe n’umuturage w’umucuruzi mu isantere ya Kayenzi witwa Gatete Janvier avuga ko hari abajura bamaze gutobora inzu ye y’ubucuruzi bakamwiba ibicuruzwa n’amafaranga. Ako kanya Polisi ifatanyije n’abanyerondo bahise bakurikirana bashobora gufata bariya basore uko ari batandatu n’uriya mukecuru.

CIP Twajamahoro yagize ati: ”Umucuruzi witwa Gatete Janvier yaradutabaje bihurirana n’uko twari tukiri mu bikorwa by’umutekano twari twarayemo, twahise dufatanya n’abanyerondo turakurikirana tubasha gufata bariya basore ndetse tunabasangana bimwe mu bicuruzwa bari bamaze kwiba.”

Umucuruzi avuga ko ibicuruzwa yibwe ari amajerikani 5 y’amavuta yo guteka, imifuka 11 y’umuceri, amacupa 24 y’ikinyobwa kitwa Umuhuza, amacupa 12 y’inzoga ya wisiki(Whisky), ndetse n’amafaranga y’u Rwanda ibihumbi bitandatu (6,000).

Umuvugizi wa Polisi mu Ntara y’ Amajyepfo avuga ko Nirere Pacifique yafatanwe amacupa 18 y’ikinyobwa kitwa Umuhuza, Ukwizagira Eric afatwanwa imifuka 2 y’umuceri, Niyitegeka Bosco yafatanwe ijerikani y’amavuta yo guteka, Nshuti Jackson nawe yafatanwe ijerikani y’amavuta yo guteka ndetse na Nsengiyera Vincent afatanwa ijerikani y’amavuta yo guteka. Ni mu gihe mu rugo rw’umukecuru witwa Uzamushaka Véronique hafatiwe umufuka umwe w’umuceri n’ijerikani imwe y’amavuta yo guteka.

CIP Twajamahoro yaboneyeho gukangurira abaturage gukaza amarondo ndetse anasaba abacuruzi kujya bagira abazamu bararira amazu yabo y’ubucuruzi mu rwego rwo kwicungira umutekano.

Yagize ati: ”Icyo dukangurira abaturage ni ugukaza amarondo kuko no kugira ngo bariya bafatwe abari baraye irondo babigizemo uruhare kuko bafatanyije na Polisi barabatanga tanga barafatwa, abacuruzi nabo turabasaba kujya bagira abazamu barinda amazu yabo y’ubucuruzi mu rwego rwo kwicungira umutekano.”

Yakomeje agira inama urubyiruko rw’insoresore birirwa bifashe mu mifuka bwakwira bakajya kwiba ibya rubanda gukura amaboko mu mifuka bagashaka imirimo ibateza imbere bakareka kwiba.

Ati: ”Ruriya rubyiruko turarugira inama yo kwibumbira mu makoperative rugakora ndetse ntibabura abafatanyabikorwa igihe cyose bishyize hamwe bagakora, inaha hari ibikorwa byinshi bajyamo bagakora batiriwe bajya kwiba.”

Abafashwe bashyikirijwe urwego rw’igihugu rw’ubugenzacyaha(RIB) kugira ngo bakurikiranwe ku cyaha bakoze. Ni mugihe hakirimo gushakishwa aho bahishe ibindi bicuruzwa bibye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo yaryo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ingingo ya 167 ivuga ko ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abapolisi 4 bafashwe amashusho bari gukubita bikomeye umugore uhagarariye...

Igipolisi cya Kenya kivuga ko hatangiye iperereza ku mashusho yafashwe kuwa...
30 July 2020 Yasuwe: 2402 0

Yiguriye imodoka yo mu bwoko bwa Lamborghini muri Miliyari 4 z’amafaranga...

Umugabo witwa David T Hines w’imyaka 29 y’amavuko arashinjwa kwiba asaga...
30 July 2020 Yasuwe: 3799 0

Ubu imbwa zishobora kumenya ko umuntu yanduye coronavirus ku kigero cya 94...

Ubushakashatsi wayobowe na kaminuza y’ubuvuzi bw’amatungo i Hanover mu...
30 July 2020 Yasuwe: 847 0

Perezida Kaguta Yoweri Museveni yemerewe kongera kwiyamamariza kuyobora...

Ishyaka NRM riri ku butegetsi muri Uganda rimaze kwemeza ko umukuru waryo...
29 July 2020 Yasuwe: 655 0

Indege yari itwaye intumwa za Uhuru mu muhango wo gushyingura Mkapa...

Kuri uyu wa kabiri tariki 28 Nyakanga, mu bintu bidasobanutse, indege yari...
29 July 2020 Yasuwe: 11129 0

Umugabo watwitse ibibero n’ibice by’ibanga by’umukobwa we ari gushakishwa...

Abapolisi bo mu Ntara ya Bungoma, muri Kenya barimo gushakisha umugabo...
29 July 2020 Yasuwe: 1483 0