skol
startimes

Kanye West wiyamamarije ku mwanya wa Perezida wa Amerika yarezwe kutishura akayabo ka miliyoni y’Amadorali y’imishahara

Amakuru   Yanditswe na: Martin Munezero 13 November 2020 Yasuwe: 3519

Kanye West yarezwe mu rukiko ku ikirego kirebana n’umushahara utishyuwe ujyanye n’igitaramo cye cya opera ya Nebuchadnezzar. West wiyamamarije kuba perezida agatsindwa yarezwe n’itsinda ry’abakozi bamufashaga gutunganya umuziki we wa Live witwa Hollywood Bowl.


Uyu muraperi ukekwa ko ari umumiliyarideri w’umuherwe, araregwa kubera “imushahara atishyuye” ndetse no kutishyura umushahara muto shingiro n’amasaha y’ikirenga ubwo yayoboraga Hollywood Bowl mu 2019.

Yerekanye bwa mbere opera ye mu Ukuboza umwaka ushize, nyuma yo gusohora alubumu ye ya mbere ya gospel yise, ‘Jesus Is King’ (Yesu Ni Umwami).

Inyandiko zemewe n’amategeko zabonywe na Complex zivuga ko abarega, barimo abakinnyi b’inyuma ndetse n’abashinzwe imisatsi, bavuga ko batahembwe neza ku mirimo bamukoreye.

Utunganya imisatsi yatangaje ko yagombaga guhembwa $ 550 mu minsi ibiri y’akazi ariko yahawe $ 530 nyuma y’amezi ane kandi yaciwe amadorari 20 y’amafaranga y’insinga yakoresheje mu buryo bunyuranyije n’amategeko agenga umurimo muri Californiya.

Uru rubanza ruvuga kandi ko abateguye igitaramo “bananiwe kwishyura neza umufasha w’utunganya imusatsi ndetse n’abandi bantu benshi bakoze serivisi ku bicuruzwa, harimo n’abakinnyi bakina inyuma nk’abari bateranye”. Ikirego cyagize kiti:

Abaregwa barebaga, bakagenzura kandi bakayobora igikorwa, kandi abakozi bahohotewe bakoze amasaha menshi biteze umusaruro kandi ntibahemberwaga ku gihe, cyangwa ngo bahembwe na gato.”

Byongeye kandi, abaregwa bavuze nabi abarega n’abakozi bafatwaga nka ba nyakabyizi bigenga kuko nta musoro wa leta wakuwe ku mushahara.

Ikirego ngo cyatanzwe muri Nyakanga, aho abarega bashaka “umushahara utishyuwe, umushahara ukomeje, indishyi, ibihano mbonezamubano, ibihano biteganijwe n’amategeko, n’igihembo cya avoka n’amagarama.” Live Nation, isosiyete yari inyuma y’icyo gitaramo cya Kanye West, nayo yashyizwe ku rutonde nk’uregwa.

Kanye West, usanzwe azwiho amakimbirane, yagiye atanga ibitekerezo byinshi usibye kwiyamamariza kuba perezida. Vuba aha, yatangaje umugambi we wo kubaka ‘umujyi w’ejo hazaza’ ku kirwa cya Haiti.

Avuga kuri iyo ngingo ubwo yabazwaga muri Joe Rogan Experience podcast, uyu mugabo w’imyaka 43 yasobanuye uburyo umushinga uzagirira akamaro abaturage bo kuri icyo kirwa. Ati:

Twagiye muri Haiti nuko perezida aduha iki kirwa ngo tugiteze imbere; kukigira umujyi w’ejo hazaza. Tugiye kubona abahinzi n’abaturage bahatuye bita ku butaka bafite muri iki gihe, iyo buzamutse mu gaciro, bose bararya.

GQ itangaza ko West yatangaje ubufatanye na perezida wa Haiti, Jovenel Moïse na guverinoma ye, ariko, ntabwo byakiriwe neza n’abantu bamwe ku mbuga nkoranyambaga, bituma atanga ibisobanuro birambuye kuri ayo masezerano ku rubuga rwe rwa Twitter ku ya 27 Ukwakira. Yanditse kuri Twitter agira ati:

Gusa kugira ngo dusobanukirwe: DUFATANYIJE NA LETA YA HAITI kugira ngo dukore ISHORAMARI rishobora kuzana AKAZI, ITERAMBERE, GUFASHA GUSHYIGIKIRA ABAHINZI n’ ABAROBYI kandi twubaka UMUJYI W’ EJO HAZAZA mu gihugu cyiza cyane.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Museveni yahishuye ko hari igihugu cyo mu karere cyohereje abo...

Perezida wa Uganda, Yoweri Kaguta Museveni avuga ko hari igihugu cyo mu...
19 January 2021 Yasuwe: 5914 0

Donald Trump yasebeje anatuka ibitutsi biteye isoni Nelson Mandela ndetse...

Perezida wa Leta zunze ubumwe za Amerika, Donald Trump yamaganye icyo yise...
19 January 2021 Yasuwe: 7663 0

Umupolisikazi w’uburanga buhebuje yerekanye amafoto agaragaza ubwiza bwe...

Umupolisikazi wo mu gihugu cya Kenya yavugishije abagabo batari bake ubwo...
18 January 2021 Yasuwe: 8342 2

Umuryango wa Bobi Wine uratakamba kubera inzara

Nyuma yo kumara iminsi ine ufungiwe n’abasirikare mu rugo, umuryango wa Bobi...
18 January 2021 Yasuwe: 4469 0

Umuganga yapfuye nyuma y’iminsi 16 ahawe urukingo rwa Covid-19

Gregory Michael, umuganga w’imyaka 56 wari usanzwe uvura indwara z’abagore...
18 January 2021 Yasuwe: 3818 0

Reba Pasiporo 7 zo muri Afurika zidafite agaciro muri 2021

Raporo iheruka kujya hanze yerekan uko rutonde rwa pasiporo ku isi ruhagaze...
17 January 2021 Yasuwe: 6887 0