Kenya: Abagore babiri baguranye abagabo mu buryo butangaje cyane

Amakuru   Yanditswe na: Dusingizimana Remy 10 September 2019 Yasuwe: 4582

Abagore babiri bo mu gace kitwa Busia muri Kenya barimo uwitwa Lilian Weta w’imyaka 28 ufite abana 3 na Millicent Auma w’imyaka 29 we ufite abana babiri, bateje urunturuntu mu binyamakuru kubera ukuntu baguranye abagabo mu buryo butangaje umwe agatwara uwa mugenzi we.

Lilian Weta yavuze ko umugabo we Kevin Barasa yamubwiye ko agomba kumuvira mu rugo,akajya gushaka undi mugabo niko guhita arongora uwitwa Millicent Auma mu kwezi gushize.

Weta akimara kubona ko umugabo we amusimbuje Auma,yahise afata umwanzuro wo kumwihoreraho nawe akamutwara umugabo we witwa Christopher Abwire.

Weta yagize ati “Rimwe na rimwe umugabo wanjye yazanaga umugore nijoro akambwira ngo ni mubyara we [cousin].Yantegekaga kumutekera,nkanamusasira aho kuryama.”

Ubwo uyu mugore yabazaga cyane uyu mugabo we iby’uyu mushitsi wari wambaye ikoti rye,uyu mushyitsi w’umugore yahise amushyiraho icyuma amubwira ko inzu itakiri iye,agomba gusohoka akajya gushaka ahandi aba.

Umugabo we Barasa yamubwiye ko yemerewe kwishakira undi mugabo kuko nta mwanya agifite mu nzu ye.

Umwe mu bavandimwe ba Weta yamubwiye ko agomba kuva muri uru rugo agasubira iwabo mu cyaro.

Muri iki gihe Weta yari amaze gutandukana n’umugabo we,Abwire wari umugabo wa Auma yari arimo kumushaka cyane ko yari amaze ukwezi atagera mu rugo gusa yaje kumenya inkuru mbi ko umugore we yishakiye undi mugabo.

Weta wari mu gahinda yasuye Abwire amubwira ko umugore we ariwe wamusenyeye akamwirukanisha mu nzu ye,bituma bombi bemeranya kwibanira cyane ko bari bahuje ibibazo.

Abwire yabwiye Weta ko agomba kureka bakabana ndetse yahise amusaba kujya kuzana abana be bakabarera.

Aba bagabo n’abagore baguranye uburiri,babwiye ikinyamakuru Nairobi News dukesha iyi nkuru ko banyuzwe n’ubuzima bushya barimo ubu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lt Gen Mudacumura wayoboraga FDLR yarasiwe muri RDC arapfa

Mu rukerera rwo kuri uyu wa Gatatu taliki ya 18 Nzeri 2019, Gen Mudacumura...
18 September 2019 Yasuwe: 7048 1

Umuyoboke w’ishyaka NRM riri ku butegetsi bwa Uganda yatewe umusumari ku...

Umugabo witwa Isaac Katoogo uzwi nka “Ambassador wa Yesu”usanzwe ari umuhanzi...
18 September 2019 Yasuwe: 2270 1

Abapolisi 4 bo muri Uganda bashinjwe gufata amashusho y’urukozasoni

Nyuma y’amashusho yasakajwe ku mbugankoranyambaga yagaragazaga umugore...
18 September 2019 Yasuwe: 1024 0

Uyu mu-Senateri yashinjwe gusambanya umugore bahuriye kuri Facebook

Senateri Anwar Loitiptip arashinjwa n’ umugore w’ iwabo muri Kenya ko...
18 September 2019 Yasuwe: 1586 0

Afghanistan: Igisasu cyaturikiye hafi y’aho perezida yari ari kwiyamamariza...

Igisasu cyatewe n’abantu bataramenyekana hafi y’aho perezida wa Afuganistan...
17 September 2019 Yasuwe: 1051 0

Umudepite uhagarariye leta ya Minessota yemeje ko perezida Trump azeguzwa...

Ilhan Omar umudepite uhagarariye leta ya Minnesota muri Amerika avuga ko...
17 September 2019 Yasuwe: 2765 0