skol
fortebet

Kenya: Abakozi bashinzwe ubuzima 34 banduye Coronavirus

Yanditswe: Friday 08, May 2020

Sponsored Ad

skol

Umuyobozi mukuru w’agateganyo muri Minisiteri y’Ubuzima muri Kenya, Dr Patrick Amoth, yavuze ko muri iki gihugu abakozi 34 b’ubuzima bipimishije bagasanga baraduye Coronavirus.

Sponsored Ad

Kuri uyu wa Gatanu, avuga ku makuru mashya kuri Covid-19 mu gihugu, Dr Amoth yavuze ko abakozi b’ubuzima 34 banduye, bangana na 5.5 ku ijana by’abantu bose banduye mu gihugu.

Yakomeje avuga ko bamwe muri aba bakozi bashinzwe ubuzima banduye iyi ndwara aho bakorera, mu gihe abandi banduye iyi ndwara biturutse hanze y’aho bakorera. Yagize ati:

Abakozi 34 kuri 621 bashinzwe ubuzima bipimishije basanganwe Covid-19, bayanduriye haba mu kazi kabo cyangwa mu buryo butaziguye, nk’uko nzi umuganga wasuye inshuti yari ifite covid-19. Abakozi bashinzwe ubuzima rero bangana na 5.5 ku ijana by’imibare yose yanduye mu gihugu.

Dr Amoth akomeza avuga ko nta n’umwe mu bakozi bashinzwe ubuzima wanduye wigeze ahitanwa n’iyi ndwara ya Coronavirus. Uyu muyobozi w’agateganyo yongeyeho ati:

Ndashaka kandi kongera gushimangira ko kugeza ubu abakozi bashinzwe ubuzima bitwaye neza kabone niyo baba baripimishije bagasana baranduye Covid-19 kandi ntitwigeze dupfusha umukozi w’ubuzima.

Mu kiganiro cyo kuri uyu wa Gatanu, Umunyamabanga mukuru w’ubuvuzi, Dr Rashid Aman, yatangaje abandi bantu 14 bashya banduye Covid-19 bivuye mu ngero 922 zapimwe mu masaha 24 ashize.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa