Kenya: Abantu 24 bishwe n’inkangu abandi benshi baburirwa irengero

Amakuru   Yanditswe na: Dusingizimana Remy 23 November 2019 Yasuwe: 1269

Abantu bagera kuri 24 batangajwe ko bapfuye kubera inkangu yatewe n’imvura nyinshi yaguye mu karere ka West Pokot mu burengerazuba bwa Kenya.



Abayobozi babwiye ibitangazamakuru byo muri Kenya ko imirambo 12, irimo irindwi y’abana, yamaze kuboneka kugeza ubu kuri uyu wa gatandatu.

Amakuru avuga ko iyo mvura nyinshi yibasiye ibyaro bya Nyarkulian na Parua.

Abayobozi bavuga ko imihanda yo muri ibyo byaro yarenzwe n’amazi kandi n’iteme rimwe ryatwawe.



Joel Bulal, umuyobozi wo mu nzego z’ibanze muri ako gace, yabwiye ikinyamakuru Daily Nation cyo muri Kenya ko ibikorwa by’ubutabazi bikomeje mu kugerageza gushakisha abantu baburiwe irengero.

Apollo Okello, umuyobozi w’ako karere, yavuze ko abandi bashobora kuba barenzweho muri iyo nkangu, ariko avuga ko ibikorwa by’ubutabazi biri gukomwa mu nkokora n’ikirere kimeze nabi.

Urubuga rwa internet rw’ikinyamakuru The Standard cyo muri Kenya rusubiramo amagambo ye agira ati: "Turikugerageza kugera aho iteme ryatwariwe n’imyuzure, imvura iracyagwa".

Amafoto yo ku mbuga nkoranyambaga agaragaza ibiti, icyondo n’imyanda binyanyagiye mu mihanda.



Mu butumwa bwo kuri Twitter, umuryango utabara imbabare wa Croix-Rouge - ishami rikorera muri Kenya - wemeje ko wambariye gutabara nyuma y’amakuru avuga ku nkangu "ikomeye".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarumye umuturanyi we umunwa hafi kuwuca amuziza gutuma umwana...

Umukozi wa Kompanyi KCCA muri Uganda yarumye umuturanyi we umunwa yenda...
6 April 2020 Yasuwe: 624 0

Covid-19:Abayobozi bakomeje kugubwa gitumo barenze ku mabwiriza yo kuguma...

Abayobozi bo mu gihugu cya Kenya bakomeje gutungurwa bakagubwaho gitumo,...
6 April 2020 Yasuwe: 3849 0

Havumbuwe Uruvu rufite amahembe atatu

Abahanga mu binyabuzima bo muri Uganda bavumbuye muri Pariki ya Rwenzori,...
5 April 2020 Yasuwe: 2364 0

Covid-19:Pasiteri Natacha yafashe amafaranga yose yarari kuri Konte...

Rev. Lucy Natasha ni umuvugabutumwa wo mugihugu cya Kenya, aracyari...
5 April 2020 Yasuwe: 5838 4

Covid-19:Abarenga 160 batawe muri yombi bazira kwica itegeko rya Parezida...

Polisi ya Uganda yataye muri yombi abantu barenga 160 ivuga ko barenze ku...
4 April 2020 Yasuwe: 1925 0

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 3074 1