Inteko ishinga amategeko ya Koreya y’ epfo kuri uyu wa gatanu tariki 9 Ukuboboza 2016 batoye bemeza itegeko ryo kweguzwa Perezida wa Koreya y’Epfo, Park Geun-hye .
Iri tegeko ryatowe n’ abadepite 234, abataritoye ni 56. Itegeko riteganya ko iyo habonetse nibura 2/3 bemeza ko perezida yeguzwa ahita akurwaho icyizere. Inteko Ishinga Amategeko ya Koreya y’ epfo igizwe n’ abashingamategeko 300, bivuze ko abatoye ko yegura barenze 2/3 bisabwa.
Perezida Park ashinjwa gukoresha ubucuti afitanye (...)

Sponsored Ad

Inteko ishinga amategeko ya Koreya y’ epfo kuri uyu wa gatanu tariki 9 Ukuboboza 2016 batoye bemeza itegeko ryo kweguzwa Perezida wa Koreya y’Epfo, Park Geun-hye .

Iri tegeko ryatowe n’ abadepite 234, abataritoye ni 56. Itegeko riteganya ko iyo habonetse nibura 2/3 bemeza ko perezida yeguzwa ahita akurwaho icyizere. Inteko Ishinga Amategeko ya Koreya y’ epfo igizwe n’ abashingamategeko 300, bivuze ko abatoye ko yegura barenze 2/3 bisabwa.

Perezida Park ashinjwa gukoresha ubucuti afitanye n’umucuruzi Choi Soon-sil mu kubona amafaranga mu buryo butemewe n’amategeko, ruswa n’ibindi byaha ariko we akabihakana.

Abanya-Koreya benshi bazindukiye imbere y’Inteko Ishinga Amategeko basaba ko uyu Mukuru w’Igihugu yeguzwa, mu gihe abadepite batangiraga gutora saa cyenda ku isaha yo muri Koreya y’Epfo ahagana saa mbili z’igitondo mu Rwanda.

CNN dukesha iyi nkuru ivuga ko Perezida Park yakomeje gusabwa kwegura ariko we akavuga ko azafata icyemezo nyuma y’umwanzuro w’Inteko Ishinga Amategeko kandi ko azemera ibizava mu matora.

Inteko Ishinga Amategeko yiganjemo abatavuga rumwe na Leta ndetse n’abadepite bigenga bashaka ko uyu Mukuru w’Igihugu yeguzwa bari bakeneye nibura amajwi agera kuri 28 y’abo mu ishyaka rye rya Saenuri rifite abadepite 125 mu Nteko Ishinga Amategeko kugira ngo ubusabe bwo kumweguza bushoboke.

Kuri uyu wa Kane nibwo Inteko rusange y’Inteko Nshinga Amategeko yemeje ko uyu mwanzuro utorerwa kuri uyu wa Gatanu, mu gihe 2/3 mu badepite 300 bayigize batora iri tegeko, Perezida Park agahita ava ku butegetsi ububasha bugasigaranwa na Minisitiri w’Intebe, Hwang Kyo-Ahn.

Ku munsi w’ejo, Umuyobozi w’Ishyaka Minjoo ritavuga rumwe n’ubutegetsi, Woo Sang-ho, yari yatangaje ko ubu busabe nibuteshwa agaciro bazayoboka imihanda bakigaragambya.

Ati “ Tugomba gutera intambwe ijya imbere. Ubu busabe nibuteshwa agaciro, natwe tuzava mu Nteko Ishinga Amategeko twiyunge n’abaturage dukomeze kurwanira uburenganzira bwacu.”

Gusa n’ubwo iri tegeko ryatorwa, Perezida Park ntiyahita avaho kuko umwanzuro wa nyuma uzatangwa n’abacamanza icyenda b’Urukiko rushinzwe kurengera Itegeko Nshinga bazahabwa amezi atandatu yo kubigenzura.

Perezida Park watorewe kuyobora iki gihugu muri manda y’imyaka itanu, ku ya 25 Gashyantare 2013, aramutse yegujwe yaba abaye uwa Kabiri uvuye ku buyobozi manda ye itarangiye.

Muri 2004, Perezida Roh Moo-hyun yegujwe mu gihe cy’amezi abiri, mbere y’uko Urukiko rutesha agaciro ibyo yaregwaga birimo gukoresha nabi umutungo wa Leta na Politiki idahamye.