Urutonde ngarukamwaka rw’imbuga za internet zasuwe kurusha izindi rwagaragaje ko harimo eshatu z’urukozasoni zaje imbere y’izisanzwe zisurwa n’abatari bake nka Amazon na Netflix.

Sponsored Ad

Ni urutonde rukorwa n’urubuga SimilarWeb aho rugaragaza ko imbuga 12 ziyoboye izindi mu gusurwa n’abantu benshi byatunguranye kuba harimo izerekana amashusho y’urukozasoni nka Pornhub, Xnxx na Xvdeos zaje imbere y’izikomeye nka Netflix na Amazon.

Imibare ya SimilarWeb igaragaza ko Google ariyo iza ku mwanya wa mbere aho isurwa n’abasaga miliyari 80, mu gihe Youtube isurwa n’abagera kuri Miliyari 28.8 iza ku mwanya wa kabiri naho Facebook ikaza ku mwanya wa gatatu aho isurwa n’abantu miliyari 24.6.

Ku mwanya wa kane hari urubuga rw’Abashinwa Baidu rusurwa n’abantu miliyari 7, ku mwanya wa gatanu hakaza Wikipedia mu gihe Twitter iza ku mwanya wa 6, igakurikirwa na Instagram iri ku mwanya wa 7, naho Yahoo ikaza ku mwanya wa 8.