Kubera imyigaragambyo abaganga barenga 200 birukanywe muri Zimbabwe

Amakuru   Yanditswe na: Martin Munezero 9 November 2019 Yasuwe: 499

Urwego rushinzwe iby’ubuzima muri Zimbabwe rwatangaje ko abaganga 211 birukanwe muri iki cyumweru kubera imyigaragambyo bakomeje gukora basaba kongererwa umushahara.



Itangazo ry’urwo rwego ruzwi nka Health Service Board (HSB) rivuga ko abo baganga "bahamwe no gusiba akazi batari mu kiruhuko cyangwa bafite impamvu yumvikana".

Iyo myigaragambyo yatangiye mu kwezi kwa cyenda uyu mwaka.

Urwo rwego rwa HSB rwavuze ko hafi kimwe cya gatatu cy’abaganga bose - ni ukuvuga abaganga 516 mu 1,601 bakora mu bitaro bya leta - bafatiwe ingamba cyangwa bazafatirwa ingamba zijyanye n’imyitwarire.

Ishyirahamwe ry’abanga muri Zimbabwe ntacyo riravuga kuri ayo makuru mashya y’iyirukanwa, ariko mbere ryinubiye guterwa ubwoba, nkuko bivugwa n’ibiro ntaramakuru Reuters.

Iyi myigaragambyo y’abaganga yagize ingaruka zikomeye ku bitaro bikuru byo mu gihugu, kandi ahanini ni abarwayi b’indembe bikomeye bari kuvurwa gusa muri iki gihe.

Leta ya Zimbabwe ivuga ko nta bushobozi ifite bwo kongerera abaganga imishahara mu gihe Abanya-Zimbabwe bari gusaba ko iki kibazo gikemurwa vuba, bamwe muri bo bavuga ko ari jenoside iri kwica abantu gahoro gahoro, nkuko umunyamakuru wa BBC Shingai Nyoka uri mu murwa mukuru Harare abivuga.

Zimbabwe yugarijwe n’icumbagira ry’ubukungu ndetse no guta agaciro bikomeye kw’ifaranga kwatumye amikoro y’abantu agabanuka mu buryo bukomeye.

Umushahara nyirizina wa muganga rero waragabanutse cyane ugera ku mafaranga atageze ku madolari 100 y’Amerika (atageze ku 93,150 mu mafaranga y’u Rwanda) ku kwezi.

Dr Lindsey Robertson, umwe mu baganga bo muri Zimbabwe, muri iki cyumweru yabwiye ikiganiro Newsday cya BBC ati: "Icyo duhembwa ntikigihagije mu kugura ibiribwa cyangwa kuriha icumbi".

SRC:BBC

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Wa muyobozi w’Abayisilamu muri Uganda washakanye n’umugore yagera mu rugo...

Umuyobozi w’Abayisilamu muri Uganda Sheikh Mohammed Mutumba, wayoboraga...
26 January 2020 Yasuwe: 1433 0

Inyoni nyuma yo gukora urugendo rurerure cyane yafatiwe muri...

Ikigo gishinzwe inyamaswa muri Kenya cyatangaje ko inyoni yo mu bwoko...
25 January 2020 Yasuwe: 4720 0

Reba ibikubiye mu mpamba Perezida Nkurunziza yihaye kugira ngo ave ku...

Twese turibuka imbaraga Nelson Mandela ndetse n’abakuru b’ibihugu bo mu...
25 January 2020 Yasuwe: 4312 2

Amafaranga y’u Rwanda 1050 uyafite ubu wagura inzu mu Butaliyani[AMAFOTO]

Ubuyobizi bw’umujyi wa Bisaccia uri mu majyepfo y’ubutaliyani bwashyize ku...
24 January 2020 Yasuwe: 7987 1

Ghana: Pasiteri yazanye Kokombure mu rusengero ayitamika abagore ngo...

Ni inkuru idasanzwe iri gucicikana ku mbuga nkoranyambaga zidandukanye...
24 January 2020 Yasuwe: 5551 1

U Rwanda rwongeye kuza imbere mu karere ka EAC mu kurwanya ruswa

Raporo nshya kuri ruswa yitwa ’Corruption Perceptions Index’ isohorwa...
23 January 2020 Yasuwe: 1645 0