startimes

Lambert Mende wahoze ari umuvugizi wa Joseph Kabila yakuriweho ibihano yari yarafatiwe na EU

Amakuru   Yanditswe na: Martin Munezero 9 December 2019 Yasuwe: 660

Umuryango w’ibihugu by’Uburayi waherukaga gufatira ibihano abantu 14 bahoze ari abayobozi muri Guverinoma ya Perezida Joseph Kabila bashinjwa ibyaha binyuranye birimo kubangamira uburenganzira bwa muntu, kuri ubu ukaba wabikuriyeho 2 muri bo.



Ibi bihano Perezida Felix Tshisekedi yaherukaga gusaba ko byagabanywa nyuma y’ibiganiro byari byarabaye bihuje guverinoma ya Tshisekedi na n’ibihugu bigize umuryango w’ibihugu by’Uburayi aho Perezida Tshisekedi yasabaga ko byagabanywa ariko EU ikemeza ko bigomba kugumaho.

Abavaniweho ibihano ni Lambert Mende wahoze ari umuvugizi wa Leta kuri Guverinoma ya Joseph Kabila, na Roger Kibelisa wayoboraga urwego rw’igihugu rw’iperereza.

Abandi 12 basigaye bo Umuryango w’ibihugu by’Uburayi ubashinja kuba baragize uruhare mu byaha bitandukanye byo guhonyora uburenganzira bwa muntu.

Bashinjijwe kubangamira urugendo rw’amahoro kandi rwari rwumvikanweho ruganisha ku matora yo muri Repubulika Iharanira Demokarasi ya Congo n’ubwo aya matora y’umukuru w’igihugu yabaye.

Bimwe muri ib bihano bari marafatiwe harimo kuba bari batemerewe gukora ingendo zigana muri ibi bihugu bigize umuryango w’ibihugu by’Uburayi nk’uko bigaragara mu itangazao uyu muryango wasohoye ku itariki ya 29 Gicurasi 2019.

Mu bandi bagaragara kuri uru rutonde harimo uwayoboraga ibiro by’ubutasi Kalev Mutondo, Ramazani Shadari wari minisitiri w’intebe wungirije akaba na minisitiri w’umutekano, Jean Claude Kazembe Musoda wahoze ayobora intara ya Haut Katanga na Alex Kande Mupomba wayoboraga intara ya Kasai Central.

Harimo kandi uwahoze ari minisitiri n’abasirikare bakuru muri FARDC, Muhindo Akili Mundos na Eric Ruhorimbere ndetse na Gedeon Kyungu wayoboraga umutwe wigometse kuri Leta, aba bombi bakiyongera ku bandi barindwi bari barafatiwe ibihano mu Ukuboza 2016 barimo n’uwari umuyobozi wa polisi Celestin Kanyama.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 2880 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 3902 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 11367 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 15232 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2853 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1738 0