skol
startimes

Mahoro Jean wari umuvugizi w’ishyaka DALFA-Umurinzi rya Victoire Ingabire yafashe iy’ubuhungiro

Amakuru   Yanditswe na: Martin Munezero 9 September 2020 Yasuwe: 9745

Mahoro Jean wari umuvugizi w’ishyaka DALFA-Umurinzi, yamaze gufata iy’ubuhungiro nyuma yo guhagarika izi nshingano yari afite zo kuba umuvugizi w’iri shyaka riyobowe n’umunyapolitiki Victoire Ingabire.


Mu kiganiro yagiranye na Ijwi rya Amerika nyuma yo kugera mu buhungiro, Mahoro yavuze ko impamvu nyamukuru yatumye asezera ku mirimo ye ari igitutu yagiye ashyirwaho n’abantu bamubwira ko akorana n’umwanzi w’igihugu. Ati:

Impamvu nyamukuru yatumye nsezera ku mirimo yanjye…kuva natangira kuba umuvugizi w’agateganyo wa Dalfa-Umurinzi nagiye mpura n’igitutu gikomeye cyane, abantu banshyiraga ku gitutu bansaba kureka gukorana na Dalfa-Umurinzi na madamu Victoire Ingabire bambwira ko nkorana n’umwanzi w’igihugu, ko nkorana n’umuntu ushaka kugarura politiki ya 59.

Yabajijwe abamushyiragaho igitutu ashyira mu majwi Akarere ka Ngororero avuga ko kandikiye ikigega gifasha abarokotse jenoside (FARG) gasaba ko yakurwa ku rutonde rw’abagenerwabikorwa, avuga ko yakurikiranwaga ahantu hose yabaga ari, ndetse inshuti n’abavandimwe bari baramwitaje. Ati:

Yari situation ingoye cyane bikaba byansabaga gufata umwanya wo kuba ndetse izo nshingano kuko byari bigoye gukora ako kazi n’icyo gitutu.

Yongeyeho ko yaje no kwakira amakuru y’uko ashobora kugirirwa nabi afata icyemezo cyo gusohoka mu gihugu ariko abanje gusezera ku nshingano yari afite. Ati:

Ni ibintu nakoze igitaraganya na perezidante ntabwo nigeze mu by’ukuri mubwira ibibaye, kuko nta mwanya nari mfite kandi na telephone zacu ziba zikurikirwa zumvirizwa ndavuga nti bishobora kunsibira amayira, nibwo nahise nsohoka, naramubwiye nti mbaye mpagaritse inshingano zanjye zo kuba umuvugizi ati bigenze bite ndamubwira nti maze iminsi mfite igitutu nkeneye umwanya wo gutuza nkanitekerezaho…

Yongeyeho ko ibyo ari byo yamubwiye ari yo makuru yari afite ndetse ashobora no gutungurwa no kumva ari hanze y’igihugu ariko nta yandi mahitamo yari afite.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 5977 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 5951 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5551 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3431 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4437 0

Michelle Obama yishe rimwe mu mahame adasanzwe buri muntu, kugera no ku...

Guhura n’umwamikazi w’u Bwongereza ndetse n’abagize umuryango w’ibwami bifatwa...
11 January 2021 Yasuwe: 9618 0