addresiya
startimes

Manigirubuntu yagiye mu kizamini afatwa n’inda arasimbuka ajya kubyara ahita agaruka mu kizamini[AMAFOTO]

Amakuru   Yanditswe na: Martin Munezero 21 November 2019 Yasuwe: 7431

Imana igira ubuntu yaremanye abagore imbaraga zo gutanga ubuzima no gukora ibikomeye icya rimwe nk’uko byashobotse kuri Emilienne Manigirubuntu wagiye mu kizamini agafatwa n’inda agasimbuka akabyara akagaruka akagikora kandi akagitsinda.



Mu mpera z’ukwezi gushize Madamu Manigirubuntu warangije kaminuza, we n’abandi benshi bagiye gukora ikizamini cy’akazi ko kwigisha muri komine Bwambarangwe mu ntara ya Kirundo.

Umunsi w’ikizamini wahuriranye n’umunsi yari atwite inda y’imvutsi, mu ntege nke z’umubiri muri icyo gihe, Manigirubuntu yarihanganye ajya mu kizamini nk’uko yabibwiye BBC Gahuzamiryango.

Ati: "Bari batubwiye ko dushobora gutangira ikizamini saa mbili za mugitondo, izo saha zageze natangiye gufatwa no kuribwa ndavuga nti naho yaba ari inda ndategereza".

Yarihanganye akomeza kwitegura ategereje ikizamini bigera saa yine z’amanywa kitaraza, ayo masaha batangiye kubashyira mu myanya bicaramo, ariko we ibise birushaho.

Arakomeza ati: "Bigeze saa yine n’igice kwihangana byaranze ntuma umuntu ngo andebere uwantwara kuri moto akangeza kwa muganga".

Uwo yatumye yabuze moto maze ku bw’amahirwe aho hahinguka ushinzwe amashuri muri komine Kirundo.

"Yasanze abandi badamu banshungereye nabize intuguta, ahita antwara kuri moto ye angeza kwa muganga. Igihe bariho bansuzuma umwana yahise avuka, byamaze nk’iminota itanu". - Manigirubuntu.

"Muganga, ndebera umu-bebe ndagiye"

Avuga ko yahise abwira muganga ko yariho akora ikizamini kandi agomba gusubirayo nubwo yumvaga atameze neza mu mugongo.

Ati: "Naravugaga nti ibyo aribyo byose ninjyewe uzi aho ubushomeri bungejeje reka ngende [mu kizamini] niyemeje ibiza gukurikira. Mbwira muganga nti mundebere umu-bebe ndagiye".

Kwa muganga yahatindijwe no kumutunganya gusa kuko yahavuye n’umwana atamwonkeje, asubira ku kizamini abo yasize bamubonye baratangara cyane nk’uko abivuga.

Ikizamini cyongeye gutinda gutangwa maze arongera afata moto nanone asubira kwa muganga konsa umwana.

Ati: "Nonkeje nk mu minota 15 barampamara barambwira bati ikizamini kiraje, ndongera mfata moto baranyemerera kuko nari nkererwewe gato ndicara ndakora ndetse natanze abandi kurangiza".

Madamu Manigirubuntu avuga ko yarangije ikizamini yamaze gutangira kumererwa nabi no gutengurwa, bamujyanye kwa muganga ashyirwa mu bitaro yitabwaho asubirana imbaraga.

Tariki 12 z’uku kwezi hasohotse amanota, Emilienne Manigirubuntu yabwiye BBC ko yatsinze iki kizamini akaba yizeye ko azahabwa akazi yahataniye akimara kwibaruka.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble prosper

    uyu mudamu arakaze ibibazo birigisha ikingenzi nukubyakira Imana izamufashe abone akazi peee kubwo umuhati wurugorwe

    November 2019
  • chat_bubble gakuba

    UYU MUDAMU ARANSHIMISHIJE CYANE IMANA IGIRUBUNTU UWABIKWISE YARI AZIKO BYOSE BITANGWA NAYO ONKWA IZAGUHA NIBINDI *

    November 2019
  • chat_bubble Roma

    Uyu mudam u ni ntwali kbs

    November 2019

Inzindi nkuru

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 1795 1

Umugore yishe abana be 3 nawe agerageza kwiyahura urupfu ruramwanga...

Mu guhugu cya Philippines, umubyeyi w’abana batatu barimo umwe wari ukiri ku...
27 May 2020 Yasuwe: 2594 0

Umukobwa yavuze agahinda yatewe n’inshuti ye magara yamutwaye umukunzi bari...

Umukobwa ukomoka muri Nigeria yerekeje kuri Twitter arijujuta nyuma yuko...
27 May 2020 Yasuwe: 1936 1

Pasiteri yaguwe gitumo asambana n’umugore w’umugabo w’inshuti ye nyuma...

Mu minsi ishize mu gihugu cya Kenya, hasakajwe inkuru y’umupasiteri waguwe...
25 May 2020 Yasuwe: 5173 1

Umunyeshuri yakubiswe izasagutse kuri Yesu nyuma yo gusangwa mu nzu ari...

Umunyeshuri wo muri Kaminuza y’uburezi ya Winneba muri Ghana witwa Hayford...
24 May 2020 Yasuwe: 6430 2

Umugore wari ugiye kubyara yapfuye azize gutinzwa na Polisi kubera...

Umugore witwa Waidat Adedeji, wari mu bubabare bwinshi atwite agiye...
23 May 2020 Yasuwe: 14039 1