startimes
startimes

Meghan umugore w’igikomangoma cy’Ubwongereza wavuze ko adashaka kuzabyazwa n’abaganga b’Abagabo agiye kubyarira mu mazi

Amakuru   Yanditswe na: Martin Munezero 16 April 2019 Yasuwe: 4494

Meghan Markle umugore w’igikomangoma cy’u Bwongereza, wavuze ko adashaka kuzabyazwa n’abaganga b’Abagabo ateganya kutazabyarira mu ibyariro ry’ibwami ahubwo we akaba yifuza kuzabyarira mu mazi.


Sponsored Ad


Ubusanzwe ibikomangoma by’icyo gihugu byavukiraga mu ibyariro ryitwa Lindo Wing ryo mu bitaro bya St. Mary mu mujyi wa London.

Uyu mugore w’imyaka 37 ukunze kuvugwaho udushya tudasanzwe mu bikomerezwa biyobora u Bwongereza, ateganya kuzabyarira imuhira kandi akabyarira mu mazi.

Ikinyamakuru The Mirror kivuga ko Meghan n’umugabo we babitewe no kwirinda ko amafoto y’umwana wabo yazajya hanze hakiri kare, kuko iyo igikomangoma cyavutse ba gafotozi bakora iyo bwabaga bakabona amafoto ye akiri mu bitaro.

Ibyariro rya Lindo Wing niho havukiye igikomangoma Harry, umuvandimwe William n’abana be batatu.

Bivugwa ko Meghan azabyarira mu nzu yabo iherutse kuvugururwa iri mu ngoro y’umwami ya Windsor.

Uyu mugore kandi ntashaka ko ababyaza b’ibwami b’abagabo bamukoraho. Ubusanzwe abaganga Alan Farthing na Guy Thorpe-Beeston nibo babyazaga ibikomangoma byo mu Bwongereza.

Meghan we bivugwa ko yashatse umubyaza wihariye w’umugore.

Azabyarira mu mazi kuko bamubwiye ko iyo umugore ayabyariyemo bituma abyara atuje, amaraso akagenda neza muri rusange umubyeyi ntaruhe cyane.

Nubwo Meghan akuriwe, igihe azabyarira ntikiramenyekana ariko bivugwa ko habura ibyumweru bike.

Inshuti y’umuryango wabo yagize iti “Ikigaragara ni uko yifuza kubyara mu buryo bworoshye bushoboka, nta miti, nta kubagwa …. Ashaka ko najya ku bise azahita abyara byihuse, ni yo mpamvu bamwe bari kuvuga ko afite gahunda yo kubyarira mu mazi.”

Meghan na Harry bateganya kwereka rubanda isura y’umwana wabo babinyujije kuri Instagram, bakazabanza kumwishimira mu buryo bwihariye nk’umuryango mbere yo kumusohora.

Bazasohora itangazo rigenewe abanyamakuru ririho itariki azagira ku bise n’iyo azabyariraho, n’irindi rishimangira ko umwana yavutse, igitsina cye n’ibiro.

Nyuma y’iminsi mike avutse, Harry na Meghan nibwo bazatumira ba gafotozi mu rugo iwabo bakabafotorana n’ikibondo cyabo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugore yaguye gitumo umugabo we aryamanye n’umukobwa we

Umugore wamaze gutandukana n’umugabo we yamenyesheje polisi ko yaguye gitumo...
8 August 2020 Yasuwe: 4614 0

Congo:Urugo rwa Moise Katumbi rwarashweho amasasu

Ishyaka ‘Ensemble’ ribarizwamo Moise Katumbi riravuga ko urugo rwa Perezida...
8 August 2020 Yasuwe: 2297 0

Umugabo wahinduye ikamyoneti ye urugo, ayubakamo ibyumba bitatu yateje...

Umugabo wo muri Ethiopia witwa Abinet Tadesse, yubatse inzu mu ikamyoneti...
8 August 2020 Yasuwe: 5214 0

Mu ishyamba rya Kibira habonetse indi mirambo y’abantu 12 bakekwaho kuba...

Mu ishyamba rya Kibira, ahaherera mu giturage cya Gafumbegeti muri Komine...
8 August 2020 Yasuwe: 3847 0

Umugabo n’umugore bamaze igihe bacana inyuma rwihishwa bahuriye muri Lodge...

Mugihe abantu benshi bahangayikishijwe ningaruka za covid19, abantu bamwe...
8 August 2020 Yasuwe: 3273 0

Umupolisi ari mu mazi abira nyuma yo gufata abakobwa babiri bari munsi...

Umupolisi wo muri Kenya ari mu mazi abira nyuma yo gufata abakobwa babiri...
8 August 2020 Yasuwe: 2306 0