Minisante yaburiye Abaturarwanda bose cyane cyane abajya mu mahanga ku cyorezo kidasanzwe cya Novel Koronavirusi kiri gukwirakwira vuba

Amakuru   Yanditswe na: Martin Munezero 23 January 2020 Yasuwe: 779

Minisiteri y’Ubuzima (MINISANTE) yaburiye Abaturarwanda bose cyane cyane abakora ingendo zijya mu mahanga gufata ingamba zikomeye zo kwirinda icyorezo cya Novel Koronavirusi cyagaragaye mu bihugu by’u Bushinwa, Tayilande, u Buyapani na Koreya y’Amajyepfo ishingiye ku byatangajwe n’Ishami ry’Umuryango w’Abibumbye ryita ku Buzima (OMS).



Mu itangazo MINISANTE yashyize ahagaragara yavuze ko kugeza tariki 21 Mutarama 2020 abantu bagera kuri 205 bamaze kwandura iyi ndwara, harimo 3 imaze guhitana. Abo bantu bose ni abo mu gace ka Wuhan gaherereye mu Bushinwa.

Iti “U Rwanda rurakorana ku buryo bwa hafi na OMS mu gukaza ingamba harimo ibikorwa bigamije kwirinda, gukomeza igenzura no kuba twahangana n’icyo cyorezo.”

Ibimenyetso by’indwara ya Koronavirusi birimo kugira umuriro, gukorora no guhumeka nabi. Abenshi mu bagaragayeho iyi ndwara ni abagiye mu isoko barangurizamo amafi n’amatungo muri Wuhan mu ntara ya Hubei mu Bushinwa. Iryo soko ryatewe imiti yica udukoko ndetse rihita rifungwa guhera ku itariki ya 1 Mutarama 2020.

Kuwa Mbere tariki ya 20 Mutarama 2020 ni bwo Leta y’u Bushinwa yemeje ko abantu bashobora kwanduzanya hagati yabo. Minisiteri y’Ubuzima mu Rwanda iragira inama abagenzi bajya muri ibyo bihugu gufata ingamba zikurikira mu rwego rwo kwirinda iyo ndwara.

Izo ngamba ni ukwirinda kwegera amatungo (yaba amazima cyangwa ayapfuye), amasoko y’amatungo no kwegera ibiyakomokaho (nk’inyama zidatetse); kwirinda kwegera umuntu warwaye Koronavirusi; gukaraba intoki ukoresheje amazi meza n’isabuni, utabibonye ugakoresha umuti wa arukoro wabugenewe (alcool-hased hand sanitizer).

Minisiteri yibukije Abanyarwanda ko niba hari urugendo uheruka gukorera mu bihugu bivugwamo iyo ndwara ukumva urwaye usabwa gukurikiza aya mabwiriza; ihutire kujya kwa muganga kandi umenyeshe abaganga urugendo uherutsemo n’ibimenyetso by’indwara ufite; irinde gukora ingendo igihe urwaye; ipfuke ku munwa no ku mazuru ukoresheje agatambaro (ntugakoreshe intoki) iyo ukorora cyangwa witsamura.

Koronavirusi ni umuryango mugari wa za virusi zitera indwara zitandukanye harimo ibicurane bisanzwe n’ibicurane bikomeye bita “Acute Respiratory Syndrome (SARS-CoV)” n’ibyo bita “Middle East Respiratory Syndrome (MERS-CoV)”.

Ibimenyetso by’iyo ndwara bigaragarira mu buhumekero, kugira umuriro, kuzana ibimyira, gukorora no guhumeka nabi. Rimwe na rimwe hari ubwo bikomera umuntu akarwara umusonga, impyiko, ndetse bikaba byanamuviramo urupfu.

Ikibabaje k’iyo ndwara kugeza ubu ni uko nta muti wayo wihariye uyivura. Igishoboka kugeza ubu kuyivura batanga imiti ifasha mu guhangana n’ibimenyetso byayo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kenya:Abaganga bahunze ibitaro kubera abashinwa bari baje gusuzumwa...

Polisi ya Kenya yajyanye ku bitaro bya Makueni (Makueni hospital) Abashinwa...
24 February 2020 Yasuwe: 1933 0

Kenya igiye gukora ikintu gisekeje ku myenda y’Abapolisi mu rwego rwo...

Leta ya Kenya biravugwa ko igiye gufata ingamba zo gukura imifuka ku myenda...
24 February 2020 Yasuwe: 2140 0

Umwarimukazi wo muri Uganda watutse Perezida Museveni yagizwe...

Umwarimukazi wa kaminuza muri Uganda, DR Stella Nyanzi yatsinze urubanza...
23 February 2020 Yasuwe: 1536 0

Minisitiri w’Intebe Thabane wishe umugore we ntiyitabye urukiko

Minisitiri w’intebe wa Lesotho,Thomas Thabane wagombaga kwitaba urukiko ejo...
22 February 2020 Yasuwe: 1426 0

Umugore yahuye n’uruva gusenya nyuma y’aho umugabo we amenye neza ko abana 3...

Mu gihugu cya Nigeria, umugore n’umugabo batatangajwe amazina bari mu...
20 February 2020 Yasuwe: 10013 1

Umutsima umukobwa yakoreshereje umusore bakundana waciye ibintu...

Isi turimo irikumuvuduko udasanzwe kuburyo buriwese asigaye ashaka guhanga...
20 February 2020 Yasuwe: 7869 0