startimes

Minisitiri wa mbere ukomoka mu bwoko bw’Abatwa yinjiye muri Guverinoma y’u Burundi

Amakuru   Yanditswe na: Martin Munezero 29 June 2020 Yasuwe: 7014

Ihuriro ry’Abatwa bo mu gihugu cy’u Burundi kikigendera ku moko y’Abakoloni, ryishimiye kuba ryabonye Minisitiri wa mbere ukomoka muri ubwo bwoko, yagizwe Minisitiri muri Guverinoma nshya y’u Burundi.



Mu ijoro ryakeye ni bwo Perezida w’u Burundi, Ndayishimiye Evariste na Minisitiri w’Intebe, General Alain Guillaume Bunyoni, bashyizeho Guverinoma nshya y’iki gihugu igizwe n’abaminisitiri 15, bavuye kuri 23 cyari gisanganywe.

Mu bagiriwe icyizere na Perezida Ndayishimiye cyo kimwe na Minisitiri Bunyoni, barimo Hon. Immelde Sabushimike wabaye Minisitiri wa mbere ukomoka mu bwoko bw’Abatwa winjiye muri Guverinoma y’u Burundi.

Mme Sabushimike yagizwe Minisitiri w’Ubufatanye bw’Igihugu, Imibereho myiza y’Abaturage, Uburenganzira bwa Muntu n’Uburinganire.

Ihuriro ry’Abatwa b’i Burundi babinyujije kuri Twitter, ryahimiye Perezida w’u Burundi, Gen. Maj. Evariste Ndayishimiye ku cyizere yagiriye ubwoko bwabo. Bati:

Bwa mbere mu mateka y’u Burundi, dufite Minisitiri muri Guverinoma y’u Burundi ukomoka mu muryango w’Abatwa. Turishimye cyane. Turashimira Hon. Immelde Sabushimike. Wakoze cyane Nyakubahwa Perezida w’u Burundi, Gen. Evariste Ndayishimiye.

Guverinoma nshya ya Ndayishimiye na Bunyoni igizwe ahanini n’abasirikare bakuru b’u Burundi cyo kimwe na bamwe mu bahoze mu mutwe w’Imbonerakure ushamikiye ku ishyaka CNDD FDD.

Mu bahoze mu Mbonerakure bahawe imyanya muri Guverinoma y’u Burundi harimo Alain Tribert Mutabazi wagizwe Minisitiri w’Ingabo na Ézéchiel Nibigira wagizwe Minisitiri ushinzwe Umuryango wa Afurika y’Iburasirazuba.

Mu basirikare bakuru ho harimo General Gervais Ndirakobuca wari ukuriye ubutasi ku butegetsi bwa Perezida Nkurunziza, wagizwe Minisitiri w’Umutekano. Undi ni General Gabriel Nzigama wigeze kuba Minisitiri w’Umutekano, uherutse kugirwa ushinzwe ibiro bya Perezida.

Bisobanuye ko imyanya ine ikomeye muri Guverinoma y’u Burundi iri mu maboko y’igisirikare, ni ukuvuga Perezida wa Repubulika, Minisitiri w’Intebe, uw’Umutekano n’ushinzwe ibiro by’Umukuru w’Igihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Sakure

    Mu by’ukuri amoko nta cyiza cyayo njyewe ku bwanjye nta n’agaciro nyaha ku buryo adakwiye kuba intandaro yo gutandukanya abantu kuko twese turi bamwe, icyakora kuba izo nyito zarinjiyye mu matwi yacu hari ukuntu uhita uvuga uti " umutwakazi " yabaye Minister ukumva hari ukuntu bivugitse!

    1 week ago

Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 486 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 3172 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 9278 1

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 10667 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2815 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1692 0