Uwahoze ayobora Misiri akaza guhirikwa ku butegetsi mu mwaka wa 2013, Mohamed Morsi, yitabye imana ari mu rukiko kuri uyu wa Mbere taliki ya 17 Kamena 2019.

Sponsored Ad

Televiziyo ya Leta ya Misiri yatangaje ko Mohamed Morsi, wigeze kuba perezida wa Misiri, yitabye imana ari mu rukiko kuri uyu wa mbere.

Yavuze ko Morsi wari ufite 67, yaguye mu rukiko aho yaburanaga ibirego by’ubutasi, ahita yitaba Imana.

Yatowe kuba perezida mu mwaka wa 2012 ubwo yari umuyobozi w’ishyaka rya Muslim Brotherhood,ahirikwa n’igisirikare umwaka wakuriyeho.

Mohamed Morsi waregwagwa ibyaha binyuranye na leta iri k’ubutegetsi mu Misiri birimo kugira uruhare mu itoroka ry’imfungwa no kumena amabanga ya Leta, muri 2015 yari yakatiwe igihano cy’urupfu aza kurokorwa n’amadini n’imiryango iharanira uburenganzira bwa muntu yashinje ubutegetsi bwa Misiri kwifashisha ubucamanza ngo bwice Morsu n’abambari be.