Moïse Katumbi utavuga rumwe na Leta ya Repubulika Iharanira Demokarasi ya Congo yasabye abaturage kuzaza kumwakira bambaye imyenda y’ibara rimwe

Amakuru   Yanditswe na: Martin Munezero 17 May 2019 Yasuwe: 1890

Moïse Katumbi Chapwe ,umunyapolitiki utavuga rumwe na Leta ya Repubulika Iharanira Demokarasi ya Congo yasabya abaturage kuzaza kumwakira bambaye imyenda y’umweru nk’ikimenyetso cy’amahoro.

Katumbi wahoze ari Guverineri w’Intara ya Katanga yavuze ko azatahuka kuwa Mbere tariki 20 Gicurasi , akazaba ari mu mujyi wa Lubumbashi aje gushimira abaturage ba Congo uburyo bamubaye hafi mu myaka itatu amaze mu buhungiro.

Uyu mugabo w’imyaka 54 yavuye muri Congo mu 2016 agiye kwivuza ntiyongera akugaruka, avuga ko agarutse kugira uruhare mu kongera kubaka iterambere rya Cong.

Radio Okapi yatangaje ko uyu munyapolitike yasabye abazaza kumwakira kuza bambaye imyenda y’umweru nk’ikimenyetso cy’amahoro .

Ati “Ndasaba abazaza kunyakira kuza bambaye imyenda y’umweru nibibashobokera. Abatazayibona bashobora kuzana agatambaro k’umweru nk’ikimenyetso cy’amahoro.”

“Nzagaruka kwihanganisha abavandimwe banjye no kubashimira ko banzirikanye mu masengesho yabo. Nyuma nzashimira abaturage ba Congo no kubigisha amahoro mu gihugu cyacu.”

Muri Kanama 2018, Moïse Katumbi yagerageje kwinjira muri Congo aciye muri Zambia ariko ntibyamuhira, yari yarahunze akurikiranyweho kwigwizaho imitungo ndetse no kwinjiza abacancuro mu gihugu.Urukiko rwaje kumukatira adahari igifungo cy’imyaka itatu nyuma yo kumuhamya icyaha cyo kwigizaho imitungo. Nyuma urukiko rw’ubujurire ruherutse gutesha agaciro icyo gifungo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Muri Uganda imodoka yaturitse hapfa abantu barenga 10

Mu gitondo cyo kuri uyu wa mbere taliki 19 Kanama 2019, yatangaje ko haraye...
19 August 2019 Yasuwe: 608 0

Umugabo uhabwa amahirwe menshi yo gusimbura perezida Nkurunziza...

Mu gihe habura igihe gito kugira ngo amatora mu Burundi abe,benshi bakomeje...
18 August 2019 Yasuwe: 5016 1

Afghanistan: Umwiyahuzi yaturikirije igisasu mu bukwe gihitana abantu 63...

Igisasu cyaturikiye mu bukwe bwaberaga i Kabul mu murwa mukuru wa...
18 August 2019 Yasuwe: 702 0

Bebe Cool yandagaje Bobi Wine na Chameleone asaba abanya Uganda...

Umuhanzi Moses Ssali uzwi Bebe Cool yavuze ko nta bushobozi bwo kuyobora...
18 August 2019 Yasuwe: 1807 0

Umuseriveri wo mu Bufaransa yarashwe n’umukiriya arapfa kubera gutindana...

Umuseriveri’ (serveur) w’i Paris mu murwa mukuru w’Ubufaransa yarashwe...
18 August 2019 Yasuwe: 1553 0

Mu Ntara ya Kivu y’Amajyepfo iri mu Burasirazuba bwa Congo Kinshasa umuntu...

Mu Ntara ya Kivu y’Amajyepfo iri mu Burasirazuba bwa Congo Kinshasa hamaze...
17 August 2019 Yasuwe: 1399 0