addresiya
startimes

Mu Bushinwa hashyizweho urutonde rw’inyamaswa zigomba kuribwa kubera Coronavirus

Amakuru   Yanditswe na: Martin Munezero 11 April 2020 Yasuwe: 4023

Leta y’u Bushinwa yatangije umushinga w’itegeko rikubiyemo urutonde rw’inyamanswa abaturage bemerewe kugura no korora bigamije kuzirya, nyuma y’aho biketswe ko icyorezo cya Coronavirus gishobora kuba cyarakomotse ku nyamaswa z’ishyamba.



Uyu mushinga w’itegeko uteganya ko inyamanswa zirimo uducurama, ibisamujyonjyo n’indi bita civette mu Gifaransa zitemerewe kongera kuribwa.

Leta y’u Bushinwa yari iherutse guhagarika icuruzwa ry’inyamanswa zose z’ishyamba zaribwaga.

Minisiteri y’Ubuhinzi muri iki gihugu yavuze ko inyongeramirire z’ibikomoka ku nyamaswa nk’ingurube, inka, inkoko, intama ndetse n’izindi zo mu ishyamba zisanzwe ziribwa nk’impongo, intama izwi ku izina rya ‘alpaga’ mu Gifaransa n’imbuni (autruche) byo bizakomeza kuribwa.

Inyamanswa ebyiri zifitanye isano n’umuhari nk’iyitwa [ratons laveurs na visons] zizakomeza zororwe ariko zo ntiziribwe.

Imbwa na zo ntiziri ku rutonde rw’inyamanswa zemerewe kuribwa mu Bushin.

uyu mushinga w’itegeko niwemerwa, u Bushinwa buzaba bubaye igihugu cya mbere ku isi gihagaritse iribwa ry’imbwa, bifatwa nk’igitego ku baharanira uburenganzira bw’inyamanswa.

N’ubwo uyu mushinga w’itegeko utaremezwa burundu, abaturage mu Bushinwa bemerewe kuwutangaho ibitekerezo kugeza ku itariki ya 8 Gicurasi 2020.

Imiryango itegamiye kuri Leta ivuga ko niwemezwa bizaba intangiriro nziza mu rugendo rwo kurengera inyamanswa mu Bushinwa kuko nk’imbwa n’injangwe zitazongera kuribwa.

Abasesenguzi bavuga ko n’ubwo hari inyamanswa zizaba zibujijwe ku mafunguro y’abantu, ubucuruzi bwa zo bushobora kuzakomeza gukorwa binyuranye n’amategeko.

Umwaduko w’icyorezo cya Coronavirus wahujwe n’inyamanswa zacururizwaga mu isoko rya Huwan mu Bushinwa, ariko nta bushakashatsi bwimbitse bwabyemeje.

Abahanga mu buzima bw’inyamanswa bavuga ko iyo ziri ahantu hegeranye n’abantu kandi zititabwabo neza buri gihe, byongera ibyago byo gukwirakwiza mu bantu ibyorezo bikomoka kuri virus ziba zizirimo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuhungu yatse mama we urukundo ararumwemerera abicishije kuri...

Umukoresha wa Facebook uzwi cyane ku izina rya Prince Max yavuze uburyo...
3 June 2020 Yasuwe: 1722 0

Umukwe na Nyirabukwe bafashwe amashusho bari gusambana ku munsi...

Muri Afurika y’Epfo ibirori bya nyuma y’bukwe bisanzwe bizwi nka After Party...
3 June 2020 Yasuwe: 6054 0

Rurageretse hagati y’u Bufaransa n’abana ba Kabuga

Rurageretse hagati y’u Bufaransa n’umuryango wa Kabuga Félicien ufatwa na Leta...
2 June 2020 Yasuwe: 8730 0

Ghana ifite abanduye Coronavirus barenga 8000, bafunguye imisigiti...

Perezida wa Ghana, Nana Akufo-Addo yatangaje iyoroshywa ry’ingamba zo...
2 June 2020 Yasuwe: 1184 1

Itorero rya satani rya mbere muri Afurika ryamaze kwiyandikisha...

Itorero rya mbere rya satani ryatangijwe muri Gashyantare 2020 ubu ryamaze...
1 June 2020 Yasuwe: 6757 2

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 5244 0