startimes

Muri Burkina Faso mu masaha atarenze 48 abantu 41 barimo n’abasirikare ba Leta bishwe

Amakuru   Yanditswe na: Martin Munezero 27 December 2019 Yasuwe: 2790

Mu gihe cy’iminsi ibiri gusa, muri Burkina Faso abantu bagera kuri 41 barimo ingabo za Leta 11, bishwe n’abarwanyi bitwaje intwaro mu bitero byagabwe mu duce dutandukanye turi mu Ntara ya Soum.



Igitero cyambere cyabaye ku wa Kabili taliki ya 24 Ukuboza 2019, aho cyahitanye abaturage 35 naho kuwa Gatatu aribwo hizihizwaga umunsi mukuru wa Noheli, aba barwanyi bivugana ingabo za Leta 11.

Ibihugu bitandukanye byo hirya no hino ku Isi, bikomeje kwamagana ibitero bitandukanye bikomeje kugenda byibasira iki gihugu.

Abasirikare ba Burkina Faso barashwe ubwo bari batezwe igico nk’uko Radio Omega ibitangaza.

Nyuma y’iki gitero ibikorwa byose byo kwizihiza Noheli byahise bihagarikwa, abaturage basabwa kutava mu ngo zabo.

Intumwa yihariye y’Umunyamabanga mukuru wa UN yitwa Stephane Dijarric yatangaje ubutumwa bwa Antonio Guterres yihanganisha igihugu cyose cya Burkina Faso cyatakaje abantu bagera kuri 46 mu gihe kitarenze amasaha 48.

Dujarric yavuze ko UN izakomeza gukorana n’ibihugu bigize agace ka Sahel mu guhangana na bariya barwanyi aho bari hose.

Ikibabaje ni uko abasivili bibarwa na biriya bitero ari abo mu idini rya Gatulika kandi bakaba aribo bake ugereranyije n’Abisilamu.

Kugeza ubu Burkina Faso ituwe n’abaturage barenga gato miliyoni 20. Ikaba ituranye n’ibihugu nka Mali, Niger na Nigeria kandi nabyo bikaba byugarijwe n’ibitero by’abarwanyi bagendera ku mahame y’ubuhezanguni.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble karekezi

    Izi ntagondwa nta kindi zikora uretse kwirirwa zica abantu gusa.Imitwe y’Abaslamu irwana cyangwa yica abantu ni myinshi cyane ku isi.Hari Al Shabab,Al Aqmi,ISIS,Al Qaeda,Hezbollah,Boko Haram,Hamas,Islamic Jihad,Taliban,etc...Yose ivuga ko "irwanira Imana".Ngo ni Intambara ntagatifu (JIHAD).Nyamara Imana itubuza kurwana no kwica,ikavuga ko yanga abantu bose barwana nkuko Zaburi 5,umurongo wa 6 havuga.Kandi ko abantu bose bicana cyangwa barwana izabarimbura ku munsi wa nyuma nkuko Matayo 26,umurongo wa 52 havuga.Hazarokoka abantu bumvira Imana gusa.Ariko si Abaslamu gusa barwana.Kuva na kera,amadini menshi ashoza intambara,avuga ko akorera Imana.Muribuka za Crusades z’Abakristu barwana n’Abaslamu zahitanye abantu benshi.

    December 2019

Inzindi nkuru

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 2266 0

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 2264 0

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2440 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1359 0

Covid-19: U Rwanda ruri mu bihugu 4 byo muri Afurika bitemerewe kugirira...

Mu gihe icyorezo Covid-19 gikomeje kuvuza ubuhuha ku Isi, Ububiligi...
9 July 2020 Yasuwe: 5207 0

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 1066 0