startimes

Museveni ubu nawe ari kwitwa ’umugabo wa ghetto’, Bobi Wine asanzwe azwi nka ’perezida wa ghetto’

Amakuru   Yanditswe na: Martin Munezero 28 October 2019 Yasuwe: 4440

Umwe asanzwe azwiho kuba ’umugabo wa ghetto’, undi ubu nawe arashaka cyangwa ari kubyitwa. Muri Uganda, ubu si Museveni na Kizza Besigye, ni Museveni na Bobi Wine.


Sponsored Ad


Bobi Wine, amazina ye nyayo Robert Kyagulanyi, aramagana Perezida Museveni ushaka kwigarurira imitima y’urubyiruko rwo mu duce tw’umujyi dukennye, we avuga ko ari we wabakenesheje.

’Ghetto’ ni uduce cyangwa inzu ntoya cyane zo mu mujyi zibamo akenshi urubyiruko rw’amikoro macye n’aciriritse, aba bari mu baba bagize umubare munini w’abashakisha ubuzima mu mijyi.

Bobi Wine, umunyamuziki wahindutse umunyapolitiki, na mbere yavugaga ko ari "perezida wa ghetto".

Ubu yasetse cyane igishushanyo cya Perezida Museveni w’imyaka 75 cyanditseho ko ari "umugabo wa ghetto".

Iyi foto yafashwe kuwa gatandatu ubwo Bwana Museveni yari mu duce twa Kibuye na Katwe mu mujyi wa Kampala aho yatangije imishinga yo kwizigama no kuguriza urubyiruko.

Bobi Wine yanditse kuri Twitter avuga ko Museveni ari "kwikundisha ku rubyiruko kuko ubu afite ubwoba kandi yihebye".

Uyu mudepite wo mu ruhande rutavuga rumwe n’ubutegetsi aherutse gutangaza ko mu matora ya 2021 aziyamamaza agahatana na Bwana Museveni.

Bwana Museveni mu kiganiro aheruka kugirana na BBC yise Bwana Kyagulanyi "umwanzi w’iterambere ry’igihugu".

Yavuze ko uyu mugabo w’imyaka 37, ubwo yari mu ruzinduko muri Amerika yavuze ngo "abantu ntibakwiye kuza gushora imari muri Uganda".

Bobi Wine ubu akurikiranywe n’ubutabera ku byaha byo kurwanya- bakoresheje imyigaragambyo- itegeko risoresha abakoresha imbuga nkoranyambaga muri Uganda.

Ghetto zibamo umubare munini w’urubyiruko mu mijyi inyuranye muri Uganda, aba banyapolitiki bombi bakaba bifuza kwitwa inshuti z’abo bantu mu gihe babakeye cyane mu 2021.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abapolisi 4 bafashwe amashusho bari gukubita bikomeye umugore uhagarariye...

Igipolisi cya Kenya kivuga ko hatangiye iperereza ku mashusho yafashwe kuwa...
30 July 2020 Yasuwe: 2405 0

Yiguriye imodoka yo mu bwoko bwa Lamborghini muri Miliyari 4 z’amafaranga...

Umugabo witwa David T Hines w’imyaka 29 y’amavuko arashinjwa kwiba asaga...
30 July 2020 Yasuwe: 3812 0

Ubu imbwa zishobora kumenya ko umuntu yanduye coronavirus ku kigero cya 94...

Ubushakashatsi wayobowe na kaminuza y’ubuvuzi bw’amatungo i Hanover mu...
30 July 2020 Yasuwe: 849 0

Perezida Kaguta Yoweri Museveni yemerewe kongera kwiyamamariza kuyobora...

Ishyaka NRM riri ku butegetsi muri Uganda rimaze kwemeza ko umukuru waryo...
29 July 2020 Yasuwe: 655 0

Indege yari itwaye intumwa za Uhuru mu muhango wo gushyingura Mkapa...

Kuri uyu wa kabiri tariki 28 Nyakanga, mu bintu bidasobanutse, indege yari...
29 July 2020 Yasuwe: 11130 0

Umugabo watwitse ibibero n’ibice by’ibanga by’umukobwa we ari gushakishwa...

Abapolisi bo mu Ntara ya Bungoma, muri Kenya barimo gushakisha umugabo...
29 July 2020 Yasuwe: 1483 0