Museveni yatangaje uko yavuganye n’Imana ikamutegeka kubabarira abarwanashyaka ba Obote

Amakuru   Yanditswe na: Dusingizimana Remy 25 September 2019 Yasuwe: 4005

Perezida wa Uganda,Yoweli Kaguta Museveni yabwiye abapasiteri basaga ibihumbi 55 bahuriye mu nama kuwa 23 Nzeri uyu mwaka ahitwa Lugogo Cricket mu mujyi wa Kampla,ko yavuganye n’Imana ndetse ariyo yamutegetse kubabarira bamwe mu barwanashyaka ba Obote.



Perezida Museveni yabwiye aba bapasiteri ko akunda gusenga ndetse yavuganye n’Imana ikamutegeka kubabarira uwari Minisitiri w’Umutekano muri Leta ya Obote, Chris Rwakasisi ndetse akaba yari umwe mu barwanashyaka bakomeye b’ishyaka rya Uganda People’s Congress [UPC] ryahoze ari irya Obote.

Yagize ati “Nkunda gusenga.Hari umugabo wahoze muri UPC,Rwakasisi.Yari yarakatiwe urwo gupfa,banzanira impapuro zo kumwica ngo nzisinye.Nahise njya mu biro byanjye bito,ndavuga nti “Mana yanjye nyobora”,hanyuma ijwi rirambwira ngo “murekure”.

Ntimukikorere imitwaro ibaremereye mushaka gukora ibintu mwenyine. Igihe ugeze mu bibazo, hamagara Imana, izagufasha.”

Aba bapasiteri bose bahuye na Museveni bari baturutse mu turere dutandukanye twa Uganda batumijwe na mugenzi wabo Pastor Robert Kayanja.

Rwakasisi na Brig. Ali Fadhul bahoze ari abayobozi ku ngoma ya Obote ndetse bakagira uruhare mu kubangamira ishyaka rya NRM rya perezida ngo ridafata ubutegetsi,barekuwe muri Mutarama 2009 nyuma y’imyaka 20 bari bamaze muri gereza ya Luzira Maximum Prison.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble pmusonera@gmail.com

    Hanyuma twe Abanyarwanda. Yasubiye mu cyumba akaturekurira abana?

    4 months ago
  • chat_bubble mugenzi philbert

    Nibyiza ko agisha Imana inama
    Kandi ngukora neza kose kuva kumana

    4 months ago
  • chat_bubble sezikeye

    Kimwe na Museveni,Pastors nabo babeshya abantu ko bavugana n’Imana.Impamvu babeshya abantu,ni ukugirango bemere ko "bakoreshwa n’Imana",noneho babarye amafaranga,binyuze ku Cyacumi.Nubwo Museveni avuga ko asenga Imana,Bible ivuga ko Imana itumva amasengesho y’abanyabyaha nkuko Yohana 9:31 havuga.Imana yumva gusa umunyabyaha wihana.Ikindi kandi,Yesu yabujije abakristu b’ukuri kutivanga mu byisi,cyanecyane politike.Kubera ko muli Politike haberamo ibyaha byinshi:Kwica,gutonesha,gusahura umutungo w’igihugu,inzangano,etc...Urugero,nubwo president Nkurunziza avuga ko ari umurokore,niwe ukuriye Imbonerakure zamaze abantu.

    4 months ago

Inzindi nkuru

Wa muyobozi w’Abayisilamu muri Uganda washakanye n’umugore yagera mu rugo...

Umuyobozi w’Abayisilamu muri Uganda Sheikh Mohammed Mutumba, wayoboraga...
26 January 2020 Yasuwe: 1286 0

Inyoni nyuma yo gukora urugendo rurerure cyane yafatiwe muri...

Ikigo gishinzwe inyamaswa muri Kenya cyatangaje ko inyoni yo mu bwoko...
25 January 2020 Yasuwe: 4631 0

Reba ibikubiye mu mpamba Perezida Nkurunziza yihaye kugira ngo ave ku...

Twese turibuka imbaraga Nelson Mandela ndetse n’abakuru b’ibihugu bo mu...
25 January 2020 Yasuwe: 4215 2

Amafaranga y’u Rwanda 1050 uyafite ubu wagura inzu mu Butaliyani[AMAFOTO]

Ubuyobizi bw’umujyi wa Bisaccia uri mu majyepfo y’ubutaliyani bwashyize ku...
24 January 2020 Yasuwe: 7678 1

Ghana: Pasiteri yazanye Kokombure mu rusengero ayitamika abagore ngo...

Ni inkuru idasanzwe iri gucicikana ku mbuga nkoranyambaga zidandukanye...
24 January 2020 Yasuwe: 5521 1

U Rwanda rwongeye kuza imbere mu karere ka EAC mu kurwanya ruswa

Raporo nshya kuri ruswa yitwa ’Corruption Perceptions Index’ isohorwa...
23 January 2020 Yasuwe: 1645 0