startimes

Perezida Donald Trump yanditse ko u Burundi bukiri mu bihe bidasanzwe

Amakuru   Yanditswe na: Martin Munezero 20 November 2019 Yasuwe: 2249

Perezida Donald Trump wa Amerika yongeye kwandikira inteko ishinga amategeko y’igihugu cye ayimenyesha ko abona ari ngombwa kugumisha u Burundi mu bihe bidasanzwe.



Ni icyemezo yafashe kuva mu kwezi kwa 11/ 2015 yavuguruye akakigumishaho mu 2017 na 2018 n’ubu akaba yongeye kuvuga ko cyakomeza kubahirizwa kuva nyuma ya tariki 22/11/2019.

Mu nyandiko iri ku rubuga rw’ibiro bya perezida wa Amerika, Bwana Trump amenyesha inteko ati:

"Ibintu mu Burundi byakomeje kurangwa n’ubwicanyi n’ubundi bugizi bwa nabi ku baturage, gushishikariza ubugizi bwa nabi n’ubugizi bwa nabi bushingiye kuri politiki".

Mu gihe gito gishize, ubutegetsi bw’u Burundi bwatangaje mu nama z’umuryango w’abibumbye (ONU) ko nta bibazo by’umutekano cyangwa guhohotera uburenganzira bwa muntu biri mu Burundi.

Ambasaderi Albert Shingiro uhagarariye u Burundi muri ONU yatangaje ko ibivugwa biba bifite impamvu za politiki bigamije guharabika isura y’u Burundi mu mahanga.

Bwana Shingiro yatangaje ko ibibazo by’u Burundi bireba Abarundi ubwabo kuko ari igihugu cyigenga, ibi byashimangiwe n’Uburusiya n’Ubushinwa bibanye neza n’u Burundi kurushaho muri ibi bihe.

Bwana Trump we yanditse ko ibihe u Burundi burimo bishyira mu kaga amahoro n’umutekano by’igihugu n’akarere, ibi kandi ngo bigashyira mu kaga umutekano wa Amerika na politiki yayo mpuzamahanga.

Amerika gushyira igihugu muri iki cyiciro bigira ingaruka ku ishoramari, ingendo z’Abanyamerika muri icyo gihugu n’ubukerarugendo.

Bigumisha kandi igihugu mu kato ko kudahabwa inkunga y’ibigo bimwe na bimwe mpuzamahanga Amerika ifitemo ijambo rinini.

Inkuru ya BBC

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 3962 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4269 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 13455 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 19716 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2902 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1792 0