Perezida Kagame yakiranywe urugwiro muri Centrafrique[AMAFOTO]

Amakuru   Yanditswe na: Martin Munezero 15 October 2019 Yasuwe: 3353

Perezida wa Repubulika y’u Rwanda Paul Kagame ari muri Repubulika ya Centrafrique mu ruzinduko rwe rwa mbere agiriye muri iki gihugu kuva Perezida Faustin-Archange Touadéra yatorwa mu 2016.



Perezida Kagame yageze muri Centrafrique mu ruzinduko rw’umunsi umwe aho yatumiwe na Perezida w’icyo gihugu, Faustin-Archange Touadéra.

Muri urwo rugendo Perezida Kagame ari buhabwe umudari w’ikirenga uzwi nka “Grand Croix de la Reconnaissance”, hamwe n’imfunguzo z’umujyi wa Bangui, umurwa mukuru wa Santrafurika, nk’ikimenyetso cy’umuturage w’icyubahiro muri uwo mujyi.

Itangazo rya guverinoma ya Bangui ryo ku itariki 11 rivuga ko Perezida Kagame agiyeyo “gushimangira umubano w’ibihugu byombi”.

Iri tangazo rivuga ko abategetsi b’ibihugu byombi bazasinya amasezerano y’ubufatanye mu bukungu, ubucukuzi bw’amabuye y’agaciro n’ubufatanye mu bya gisirikare.

Biteganyijwe ko we na mugenzi we wa kiriya gihugu, Faustin-Archange Touadéra baza gukurikirana isinywa ry’amasezerano y’ubufatanye arimo ayerekeye ubufatanye mu by’ingabo.

U Rwanda ni igihugu cya gatatu gifite abasirikare benshi mu ngabo za ONU zagiye kugarura amahoro muri Centrafrique zitwa MINUSCA. Kuva mu ntangiro za 2014 ubwo muri Repubulika ya Centre Africa hari imvururu, Ingabo z’u Rwanda zagiyeyo mu butumwa bw’amahoro zihosha ibikorwa by’ubwicanyi byariho bihaba.

Kugeza ubu muri kiriya gihugu hariyo abasirikare b’u Rwanda 1370 n’abapolisi 430 bagiye bagaragaza imyitwarire idakemwa kubera ibikorwa bitandukanye bagiye batangizayo birimo gukora umuganda ubundi umenyerewe mu Rwanda

Centreafrique ni igihugu cyakiriye abanyarwanda benshi b’impunzi nyuma y’intambara na jenoside mu 1994, ubu habarirwa abanyarwanda bagera mu bihumbi babayo.

Uyu munsi abaturage muri kiriya gihugu bari biteguye kwakira Perezida Kagame, bari bambaye imyambaro y’amabara y’ibendera ry’u Rwanda n’indi imenyerewe mu banyarwanda irimo imikenyero n’imigara bimenyerewe ku ntore.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Habimana Aloys

    Nyakubahwa Perezida wacu turamukunda cyane tumurinyuma dufatanyije azatugeza kubyiza byose twifuza dufatanye urunana tuzagera kure hashoboka Imana igutize ubuzima

    4 months ago

Inzindi nkuru

Uwiyita umukozi w’Imana yagaburiye abayoboke be inzoga na sosiso ababeshya...

Uwiyita umukozi w’Imana mu gihugu cya Zambia yafotowe mu rusengero ari guha...
15 February 2020 Yasuwe: 3570 0

Mu Bushinwa abaganga 1700 banduye icyorezo cya Coronavirus

Komosiyo y’ubuzima mu Bushinwa (NHC), yatangaje ko umubare w’abaturage...
15 February 2020 Yasuwe: 964 0

Umunyafurika umwe rukumbi ni we ugaragara ku rutonde rw’abantu 9 bacungiwe...

Wowe utangiye gusoma iyi nkuru urimo kwibaza ngo abo bantu icyenda nibande?...
14 February 2020 Yasuwe: 15176 3

Sitade yakira abantu ibihumbi 54 bahiyihunduye ibitaro byakira abarwayi...

Colonavirus ihangayikishije abashinwa ndetse n’isi yose, kuko byatumye...
14 February 2020 Yasuwe: 4838 0

Claudete Maria Rosa yafunzwe azira kubeshya ko yanduye icyorezo cya...

Umunyabrezilikazi witwa Claudete Maria Rosa da Silva yatawe muri yombi na...
13 February 2020 Yasuwe: 6750 0

Ifoto y’umukobwa wabaye ikizungerezi nyamara yari yarishwe n’inzara mu buryo...

Umukobwa uvuka muri Somalia yatangaje benshi mu batuye isi ubwo yashyiraga...
12 February 2020 Yasuwe: 11452 1