startimes

Perezida Museveni we asanga kuba bamwe mu bakozi ba Leta ya Uganda bafite umubyibuho ukabije babiterwa na ruswa

Amakuru   Yanditswe na: Martin Munezero 4 December 2019 Yasuwe: 3340

Perezida wa Uganda Yoweli Kaguta Museveni we asanga kuba bamwe mu bakozi ba Leta ya Uganda bafite umubyibuho ukabije batabiterwa n’uburwayi ahubwo ari ikimenyetso simusiga ko baba baramunzwe na ruswa.



Ibi yabigarutseho ubwo hasozwaga urugendo rwo kwamagana ruswa kuri uyu wa 4 Ukuboza rwabereye mu murwa mukuru wa Kampala, ubwo yagarukaga ku bakozi ba Leta usanga baramunzwe na ruswa ugasanga bishwe n’umubyibuho kandi ari uko barya ibyo batavunikiye.

Nk’uko ikinyamakuru Daily Monitor cyabitangaje, Perezida Museveni avuze ko benshi mu bakozi ba Leta bakize babikesheje kurya imitsi abaturage. Yibukije ko abona umubyibuho uri mu bakozi ba Leta waba ufitanye isano na ruswa barya.

Ati ” Nahisemo kugabanya ibiro. Navuye ku 106 ngera kuri 76. Ntekereza ko umubyibuho nawo ari ikimenyetso cya ruswa.” Yongeyeho ko ari umukire kandi nta mutungo wa rubanda yigeze yiba.

Ati “… Njye ndakize ariko nta na rimwe nigeze niba.” Museveni yavuze ko ruswa yiganje mu butegetsi bwe ku bwo kubura igenzura rikwiriye.

Abanya Uganda batandukanye batuye umujyi wa Kampala bari bitabiriye urugendo rwo kwamagana ruswa

Bamwe mu batavuga rumwe na Perezida Museveni nka Dr. Kizza Besigye na Gen. Mugisha Muntu bari muri iki gikorwa bo bavuga ko ari agahomamunwa kuba Museveni yavuga ko agiye kurandura ruswa.

Besigye avuga ko bisaba gukuraho Leta ya gisirikare naho Gen. Mugisha Muntu we avuga ko Museveni yagakwiriye guhera ku ba minisitiri akabafunga.

Uru rugendo rwo kwamagana ruswa rwari ruyobowe na Perezida Museveni rukaba rwatangiye saa mbili n’igice ku isaaha ya Uganda (mu Rwanda hari saa 9h30’) ari kumwe n’abagize guverinoma barimo abo mu nteko ishinga amategeko ndetse n’abaminisitiri, igikorwa cyabereye ahitwa Kololo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Uwigize Rambo ari guhigwa na polisi mu ishyamba ry’inzitane

Abapolisi bo mu gihugu cy’Ubudage, bashyigikiwe na Kajugujugu barimo guhiga...
14 July 2020 Yasuwe: 4146 0

Umunyamerikakazi wari umaze amezi 16 afungiwe muri hoteli yo muri Nigeriya...

Umugore w’umunya Amerika utatangajwe amazina, wari umaze amezi 15 afungiye...
14 July 2020 Yasuwe: 2197 0

Umugabo yarijijwe n’ibyo yasanze muri telefone y’umukobwa we

Ku myaka 27 y’amavuko, umusore yarambagije umukobwa w’imyaka 22 y’amavuko,...
11 July 2020 Yasuwe: 7614 0

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 4447 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4583 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 14080 2