skol
startimes

Perezida Trump n’abandi bantu 9 barimo umwami wa Arabie Saoudite n’igikomangoma cyaho bakatiwe igihano cy’Urupfu badahari

Amakuru   Yanditswe na: Martin Munezero 10 October 2020 Yasuwe: 12622

Perezida wa Leta Zunze Ubumwe za Amerika, Donald Trump, ni umwe mu bakatiwe igihano cyo gupfa n’urukiko rwo mu gihugu cya Yemen ashinjwa ibyaha by’intambara.



Perezida Trump yakatiwe kiriya gihano ari hamwe n’abandi bantu icyenda, barimo umwami wa Arabie Saoudite n’igikomangoma cyo muri kiriya gihugu.

Ikinyamakuru Daily Star dukesha iyi nkuru, kivuga ko ubwo ruriya rubanza rwabaga ku wa Kane w’iki cyumweru, Perezida Trump n’abo bareganwa bakatiwe urwo gupfa badahari. Ni urubanza rwabereye mu rukiko rw’ahitwa Saada muri Yemen rusanzwe ruri mu maboko y’inyeshyamba z’aba Houthi zirwanya ubutegetsi bwa Yemen.

Urukiko rwakatiye urwo gupfa abantu barimo Perezida Donald Trump, Umwami Salman wa Arabie Saoudite, igikomangoma cya kiriya gihugu, Turki bin Bandar bin Abdulaziz uyobora ingabo za Arabie Saoudite zirwanira mu kirere na Perezida wa Yemen, Abedrabbo Mansour Hadi.

Visi-Perezida wa Yemen, Ali Mohsin Al-Ahmar, Minisitiri w’Intebe wa kiriya gihugu, Ahmed bin Dagher, Minisitiri w’Ingabo, Muhammad Al-Maqdishi na James Mattis wahoze ari Umunyamabanga w’Igisirikare cya Amerika na bo bakatiwe urwo gupfa.

Urukiko kandi rwanzuye ko abaregwa batanga indishyi za miliyari 10 z’amadorali ya Amerika nk’indishyi z’akababaro zo guha imiryango yagizweho ingaruka n’igitero cy’indege cyabaye mu mwaka ushize.

Ni igitero bivugwa ko cyagabwe ku modoka yo mu bwoko bwa Bisi kigahitana abantu 51 barimo abana 40.

Guverinoma ya Yemen imaze igihe ihanganye n’inyeshyamba z’aba Houthi bivugwa ko ziterwa inkunga n’igihugu cya Iran, zigaruriye igice cy’amajyaruguru ya kiriya gihugu n’umurwa mukuru Sana’a kuva muri 2014.

Ibyo byatumye muri 2015 Leta ya Arabie Saoudite ihitamo koherereza Guverinoma ya Yemen ingabo zo kuyitera ingabo mu bitugu.

Perezida Trump uri mu bakatiwe urwo gupfa, ku wa Gatatu w’iki cyumweru yongeye kugaruka mu biro bye nyuma y’icyumweru cyose ari mu kato kubera icyorezo cya COVID-19 yari yaranduye.

Byitezwe ko mu minsi itanu iri imbere Trump azongera guhurira na mugenzi we Joe Biden bazaba bahanganye mu matora y’umukuru w’Igihugu, mu kiganiro mpaka kizabera i Miami muri Leta ya Florida.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda: Bobi Wine ntiyishimiye itabwa muri yombi ry’umurinzi we bamushinja...

Umukandida w’ishyaka NUP mu matora ategerejwe muri Uganda, Robert Kyagulanyi...
5 December 2020 Yasuwe: 393 0

Urumogi rwakuwe ku rutonde rw’ibiyobyabwenge byica

Inama yahuje ibuhugu bigize Komisiyo y’Umuryango w’Abibumbye (UN) ishinzwe...
3 December 2020 Yasuwe: 1743 0

Amafoto yaciye Ibintu:Bobi Wine yasubukuye ibikorwa byo kwiyamamaza,agaruka...

Nyuma y’iminsi ahangana n’inzego z’umutekano ndetse akanafata umwanzuro wo...
3 December 2020 Yasuwe: 2677 0

Bobi Wine yandikiye ibaruwa yuzuyemo amarangamutima Producer we warasiwe mu...

Robert Kyagulanyi Sentamu uzwi ku izina rya Depite Bobi Wine yanditse...
2 December 2020 Yasuwe: 3006 0

Boko Haram yasohoye Videwo nshya yigamba ko ari yo yishe abahinzi bagera...

Umutwe wa Boko Haram w’intagondwa ziyitirira Isilamu wasohoye videwo nshya...
2 December 2020 Yasuwe: 1027 0

Burundi:Indaya yandagaje umuyobozi w’umugore ibinyujije mu ibaruwa...

Indaya yitwa Riziki Shurweryimana ibarizwa muri Komini ya Mutumba mu Ntara...
1 December 2020 Yasuwe: 3973 0