skol
fortebet

Perezida Trump yavuze ko Abademokarate biyahuye muri Politike

Yanditswe: Thursday 19, Dec 2019

Sponsored Ad

Perezida Donald Trump yasubiyemo incuro eshatu ko nta kosa na rimwe yakoze, ejo ku wa gatatu mu gihe abadepite barimo bemeza ko yeguzwa.

Sponsored Ad

Perezida Trump yaraye abaye umu perezida wa gatatu utakarijwe icyizere n’abadepite ku buyobozi bw’igihugu cya Leta Zunze Ubumwe za Amerika.

Mu gihe abadepite bari bateranye nijoro,Trump we yari mu nama mu gace ka Battle Creek k’intara ya Michigan, aho yibasiye cyane aba badepite.

Yagize ati: "Aba Démocrates biyahuye muri politike", njyewe nta bwoba binteye.”

Donald Trump yavuze ko nta kibazo afite cyo kuzongera kwiyamamariza kuyobora Amerika mu matora ateganyijwe mu Ugushyingo 2020.

Abadepite (biganjemo abo mu ishyaka ry’aba Démocrates) bemeje ko Trump yeguzwa kubera amakosa abiri yakoze arimo gukoresha ububasha afite mu nyungu ze bwite no gutesha umutwe inteko ishinga amategeko.

Amaze kumenya ibivuye mu matora, Trump yagize ati: "umutwe w’intagondwa mu nteko ishinga amategeko wuzuye urwango,umujinya n’inzigo , reba ibirimo kuba. Aba bantu nta bwenge bafite".

Perezida Trump yavuze ko abadepite bari gupfukirana amajwi y’amamiliyoni menshi y’Abanyamerika bakunda igihugu ndetse ngo ingingo yo kumweguza inyuranyije n’amategeko

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa