skol
startimes

Rurageretse hagati y’u Bufaransa n’abana ba Kabuga

Amakuru   Yanditswe na: Martin Munezero 2 June 2020 Yasuwe: 16685

Rurageretse hagati y’u Bufaransa n’umuryango wa Kabuga Félicien ufatwa na Leta y’u Rwanda nk’umwe mu b’imbere bagize uruhare rukomeye muri Jenoside yakorewe Abatutsi muri Mata 1994, aho abana be bashinja ubutegetsi bw’u Bufaransa guhonyora uburenganzira bw’ibanze bw’ikiremwamuntu bavuga ko afite ibibazo byo mu mutwe n’izindi ndwara kandi ko kumufunga bishobora kumuhitana.


Kabuga w’imyaka 84 y’amavuko ashinjwa n’abashinjacyaha ba Loni icyaha cya jenoside no gushishikariza gukora jenoside. Arashinjwa kuba yarahaye intwaro imitwe yitwara gisirikare yahitanye abantu basaga miliyoni muri Jenoside yakorewe Abatutsi mu gihe cy’iminsi 100 mu 1994. Ibyo aregwa ariko byose arabihakana.

Ari muri gereza ya Paris kuva ku itariki 16 Gicurasi ubwo abapolisi binjiraga aho yari yihishe mu nkengero z’umurwa mukuru, bigashyira akadomo ku muhigo wari umaze imyaka 26. Biteganyijwe ko Urukiko rwo mu Bufaransa ruzafata icyemezo cyo kumwimurira mu rukiko rw’Umuryango w’Abibumbye ejo tariki 3 Kamena.

Mu mpera z’icyumweru gishize, umuryango we ukaba warikomye igihugu cy’u Bufaransa ugishinja kwirengagiza uburenganzira bw’ibanze bwa muntu nk’uko tubikesha Ibiro Ntaramakuru by’Abongereza Reuters.

Itangazo ryashyizwe ahagaragara n’abana be 11 ryagize riti: “Mu myaka yashize yakusanyije indwara nyinshi: diyabete, hypertension ndetse no guta umutwe cyane.”

Iryo tangazo rikomeza rivuga ko mu mwaka ushize yagize n’ikibazo cy’indwara ya colectomy ifata amara, ndetse ko ubuzima bwe bukeneye kwitabwaho no gukurikiranirwa hafi nk’undi muntu wese ugeze mu za bukuru ufite intege nke. Bongeraho ko kuva yafungwa amaze guta ibiro byinshi kandi yarushijeho guta umutwe.

Ku itariki ya 27 Gicurasi, Urukiko rwa Paris rwanze ubusabe bw’abunganizi be mu mategeko bwo kumurekura agakurikiranwa adafunze kubera ko bishobora guteza umwuka mubi mu Banyarwanda baba mu Bufaransa, kandi ko nta cyizere ko Atari gucika bitewe n’ubufasha yahawe n’umuryango we kiugirango adatabwa muri yombi mu myaka 26 yose ishize.

Kabuga akaba ari umwe mu Banyarwanda bahigwaga kurusha abandi, yarashyiriweho miliyoni 5 z’Amadolari ku makuru yose yageza ku ifatwa rye, kugeza ubwo inzego z’ubutasi z’u Bufaransa, u Bwongereza, n’u Bubiligi zimukurikiranye zikamusanga mu majyaruguru y’uburengerazuba bw’inkengero za Paris.

Mu itangazo ryabo, abana be bavuga ko gufunga se n’ibibazo by’uburwayi afite ari nko guhakana uburenganzira bwe bw’ibanze bwa muntu, bakaba basaba ubufasha bwo guhagarika ifungwa rye bavuga ko rishobora kumuhitana.

Col. Eric Emeraux ukuriye ishami rishinzwe gukurikirana ibyaha bya jenoside n’ibindi byaha muri Polisi y’u Bufaransa avuga ko Kabuga yari umuntu wa kabiri inyuma ya Osama Bin Laden mu bantu bashakishwaga kurusha abandi ku Isi.

Kabuga akaba yarafashwe nyuma y’aho Igipolisi cy’u Bwongereza cyari kimaze kumenya ko umwe mu bana ba Kabuga buri gihe yavaga mu Bwongereza akajya mu Bubiligi no mu Bufaransa nk’uko byatangajwe n’Ikinyamakuru Financial Times.

Bifashishije ikoranabuhanga rya telefone bakurikirana ingendo z’uyu mwana we, i Asnières-sur-Seine, aho Kabuga yafatiwe, bakurikirana n’abandi bantu bo mu muryango we bahagendaga birangira bamugezeho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Ariko n’abatutsi bicwaga harimo impinja,abasaza n’abarwayi kandi ntibahawe amahirwe yo kurokoka!Ayo ni amatakirangoyi!Agomba kuryozwa ibyo yakoze yaba arwaye cg ashaje ntibikuraho ko ari umwicanyi

    June 2020
  • chat_bubble Christine

    Ubwo se baratera nde imbabazi? Imihoro yatumije se yubahirizaga ubuhe burenganzira cg yarazi ko ari inzoka agiye kwicisha??? Baratera umujinya gusa. Bamuzane mu Rwanda ahubwo maze basarire rimwe

    June 2020

Inzindi nkuru

Mugihe habura iminsi ibarirwa ku ntoki ngo Biden arahire,abasirikare...

Mu gihe habura iminsi mike ngo Joe Biden afate inshingano zo kuyobora Leta...
15 January 2021 Yasuwe: 4955 0

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 6105 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 6004 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5684 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3444 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4465 0