dnd

Tanzania: Imodoka itwara Essence yafashwe n’inkongi y’umuriro ihitana abarenga 60

Amakuru   Yanditswe na: Dusingizimana Remy 10 August 2019 Yasuwe: 2243

Abantu barenga 60 nibo bivugwa ko bamaze gupfa bahitanywe n’ikamyo itwara lisansi yakoze impanuka yarangiza igafatwa n’inkongi igaturikira ahitwa Msamvu mu ntara ya Morogoro muri Tanzania.



Mu gitondo cyo kuri uyu wa Gatandatu taliki ya 10 Kanama 2019 nibwo iyi kamyo yari itwaye ibikomoka kuri petrol yafashwe n’inkongi y’umuriro iraturika,abantu barenga 60 bahasiga ubuzima,abagera kuri 70 barakomereka bikabije.

Benshi mu bapfiriye muri iyi mpanuka biganjemo abamotari bibaga lisansi yamenekaga nyuma y’aho iyi kamyo yari imaze kugwa, ndetse n’abacuruzi b’ibyokurya bacururizaga muri uyu muhanda Dar-Morogoro wari wuzuyemo abagenzi.

Amafoto n’amashusho yakwirakwijwe ku mbuga nkoranyambaga zitandukanye arerekana imirambo y’abantu bahiye barakongoka.

Umuyobozi wa polisi mu gace ka Morogoro witwa komando Wilbroad Mutafungwa yemeje ko abahitanywe n’iyi kamyo ari 60.Iyi kamyo yahiriye kuri metero 200 uvuye muri gare ya Msamvu.

Uwabonye iyi mpanuka iba yavuze ko iyi kamyo yakoze impanuka iragwa abantu benshi bayuzuraho bari kurwanira kuvoma lisansi [Essence] mu gihe abandi barimo bacuruza ibyokurya ku bwinshi.

Umwe mu bantu warimo arwanira iki gitoro,yacanye umuriro ashaka kunywa itabi birangira atwitse abantu benshi bari aho.

Morogoro ni intara iri mu nzira y’amakamyo atwara ibikomoka kuri peteroli hagati mu gihugu no mu bihugu bihana imbibi na Tanzania harimo Malawi, Zambia n’Uburundi.

Kugeza ubu nyiri iyi kamyo ntaramenyekana kandi ntawuramenya niba yari itwaye iyi lisansi hanze cyangwa mu gihugu cya Tanzania.

Polisi ya Morogoro iri guhiga buri wese wavomye lisansi kuri iyi kamyo kugira ngo ayisohore mu nzu idateza indi nkongi y’umuriro.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    R I P for them

    4 months ago

Inzindi nkuru

Omar Al- Bashir wahoze ari Perezida wa Sudani yakatiwe n’urukiko

Omar Al- Bashir wahoze ari umukuru w’Igihugu cya Sudan yakatwe n’urukiko...
15 December 2019 Yasuwe: 458 0

Inkuru ibabaje y’umukobwa wakodeshejwe na Papa we ku bagabo barenga 30...

Iyi nkuru ibabaje ni iy’umwana w’umukobwa wo mu buhinde wakodeshejwe na se ku...
14 December 2019 Yasuwe: 3277 0

Fatima w’imyaka 16 wari ugiye kurongorwa yaguye mu cyobo ahita...

Umukobwa wari ugiye kurongorwa yitabye Imana nyuma yo kunyerera akagwa mu...
14 December 2019 Yasuwe: 3903 0

Umunya-Nigeria yakoze ibitarakorwa n’undi uwo ariwe wese mu mateka ya...

Kugeza ubu Leta zunze ubumwe za Amerika, zimaze gutahura Abanyanigeria...
14 December 2019 Yasuwe: 6733 1

Intumwa z’u Rwanda zirangajwe imbere na Ambasaderi Olivier Nduhungirehe...

Intumwa z’u Rwanda zirangajwe imbere na Ambasaderi Olivier Nduhungirehe,...
13 December 2019 Yasuwe: 2478 1

Boris Johnson azasubira mu biro bya minisitiri w’intebe w’Ubwongereza bizwi...

Boris Johnson azasubira mu biro bya minisitiri w’intebe w’Ubwongereza bizwi...
13 December 2019 Yasuwe: 920 0