addresiya
startimes

Twipanze neza kugira ngo dusubize inyuma igitero aho cyaturuka hose -Visi perezida w’u Burundi

Amakuru   Yanditswe na: Dusingizimana Remy 20 November 2019 Yasuwe: 5920

Leta y’ Uburundi iravuga ko yiteguye kwivuna igitero cyose aho cyaturuka hose nyuma y’igitero giherutse kugabwa muri iki gihugu muri komini Mabayi mu ntara ya Cibitoke bivuga ko cyakozwe n’ingabo zavugaga Ikinyarwanda.



Visi Perezida w’u Burundi, Gaston Sindimwo, yabwiye Ijwi ry’Amerika ko igitero cyabaye mu mpera z’icyumweru gishize mu ntara ya Cibitoke cyaturutse mu Rwanda aboneraho kwemeza ko igihugu cye cyiteguye gusubizayo igitero cyose aho cyaturuka hose kuko imipaka yabo yose icunzwe neza.

Yagize ati "Icyo twavuga nuko icyo gitero cyabaye nk’uko mwabyumvise, twebwe tukaba twipanze neza kugira ngo igitero cyose cyaza kiva aho kivuye hose dushobore kugisubiza inyuma nta ngorane. Icyo cyarabaye rero mu ijoro ry’itariki 16 kandi ibintu byifashe neza mu gihugu cyacu cy’u Burundi.

Ubwo yabazwaga ku cyo bagiye gukora kugira ngo barinde ubusugire bw’igihugu cyabo,Sindimwo yavuze ko bagiye gukaza umutekano ku mipaka no hagati y’igihugu kugira ngo abanzi b’Uburundi badakomeza kubarunguruka.

Ati "Twe nta bwoba dufite, kuko imbibi z’igihugu cyacu zirinzwe n’ingabo z’u Burundi, ku buryo uwo ari we wese watekereza kuduca mu rihumye bitakunda.

Kandi noneho mu minsi iri imbere tugiye gukomeza kurinda umutekano ku mbibi ndetse no mu gihugu hagati kuko muzi ko muri ibi bihe ari ibihe abagizi ba nabi cyangwa abadakunda u Burundi bakunda gufatiraho kugirango badurumbanye umutekano n’amahoro mu gihugu cyacu cy’u Burundi.”

Abajijwe niba koko iki gitero giherutse kugabwa muri Mabayi cyaba cyaragabwe n’abantu baturutse mu Rwanda nkuko RTNB yabyemeje, yavuze ko hari gukorwa iperereza ryimbitse ku bari inyuma yacyo gusa ntiyatangaje umubare w’abahitanywe n’iki gitero

Ati: “Kuri uyu munsi ntitwababwira uko byifashe tukaba turindiriye ko iperereza rirangira hanyuma tukazatangaza ku mugaragaro uko byifashe.”

Leta y’u Rwanda yahakanye iby’iki gitero u Burundi buyitirira ivuga ko amakuru nk’ayo adafite ishingiro ntacyo bayavugaho.

U Burundi burashinjwa kunanirwa guhashya umutwe w’Abarundi wa RED TABARA uri mu mashyamba ya RDC uri kubuhungabanyiriza umutekano barangiza bakabishinja u Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1900 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4668 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1364 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3411 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1329 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2834 1