startimes

Ubwongereza bwategetse abantu kudakorana imibonano mpuzabitsina n’abo batabana

Amakuru   Yanditswe na: Martin Munezero 7 June 2020 Yasuwe: 2334

Guverinoma y’Ubwongereza ku wa mbere Kamena 1, mu rwego rwo gukomeza kwirinda no gukumira ikwirakwizwa rya coronavirus, yashyizeho ingamba nshya zibuza abantu gusabana mu ngo n’umuntu wese utari mu rugo rwabo.



Mbere, umuntu wese winjiraga mu rugo rw’undi muntu yaba yarenze ku mategeko yo gufunga, ariko ubu abantu bombi bashobora gukurikiranwa hakurikijwe ivugurura rishya ry’itegeko ryerekeye kurengera ubuzima (Coronavirus, Ibibujijwe) ryo muri 2020, ryashyikirijwe Inteko Ishinga Amategeko ku wa mbere.

Amabwiriza mashya agira ati: ‘Nta muntu ushobora kwitabira igiterane kibera ahantu rusange cyangwa ku giti cye mu nzu, kandi kigizwe n’abantu babiri cyangwa benshi.’

Ukurikije amategeko mashya, abafite ‘urwitwazo rwumvikana’ gusa ni bo bemererwa guhurira mu ngo bonyine, bitarimo guhura ngo bakore imibonano mpuzabitsina.

Urwitwazo rwumvikana rurimo kwiruka cyangwa gukora siporo ku bakinnyi b’indashyikirwa, kugenda kw’abatishoboye ndetse n’abakozi b’ingenzi cyangwa bakenewe.

Abandi bantu bashobora gutanga urwitwazo rwumvikana harimo abantu bahurira mu mwanya wihariye wo kurera abana, ababyeyi batandukanye baba mu mazu atandukanye babonana n’abana babo, abantu batanga ubufasha bwihutirwa n’abitabiriye gushyingura.

Abapolisi bo mu Bwongereza basabwe gukwirakwiza hirya no hino umubare minini wabo kandi bagakoresha amande n’ifatwa ‘aho bibaye ngombwa’ nk’uburyo bwa nyuma – bashobora ‘kuyobora’ umuntu mu gutaha ariko nta ‘bubasha’ bafite bwo kuvana umuntu ahantu ku ngufu, Inama nkuru y’abayobozi ba polisi y’igihugu (NPCC) n’Ishuri ryigisha ib’igipolisi babitangaje mu mpapuro bahuriyemo.

Impanuro bagira abapolisi zirasobanura neza kandi ko amabwiriza / amategeko mashya ya coronavirus ‘adatanga imbaraga zo kwinjira.’ Downing Street nayo yagaragaje neza ko abapolisi badafite uburenganzira bwo kwinjira mu busitani kugira ngo barebe abarimo.

Aya mabwiriza mashya aje nyuma y’ubushakashatsi bwakozwe n’abashakashatsi bo muri Kaminuza za Anglia Ruskin na Ulster, bwerekanye ko Abongereza batandatu kuri 10 batigeze bakora imibonano mpuzabitsina mu gihe cyo gufunga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Ntabwo byashoboka ko abantu bareka ubusambanyi.Uretse na Leta,abantu bananiye Imana ibitubuza.
    Nubwo abantu miliyoni na miliyoni baryamana batarashakanye mu rwego rwo kwishimisha,Imana yaturemye irabitubuza.Itwemerera kuryamana n’umuntu umwe gusa tuzabana binyuze mu mategeko.Ikavuga ko abasambanyi batazaba mu bwami bw’imana.Ntacyo bimaze kwishimisha akanya gato,hanyuma bikazakubuza ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

    1 month ago

Inzindi nkuru

Bobi Wine yongeye anenga uburyo buzakoreshwa mu kwiyamamariza umwanya...

Umuyobozi w’Ishyaka People Power Movement ritavuga rumwe n’ubutegetsi bwa...
15 July 2020 Yasuwe: 364 0

Maj Joel Babumba umwe mu bayobozi bakuru muri CMI arimo guhigwa...

Umwe mu basirikare bakuru bakorera ubuyobozi bw’ubutasi bwa gisirikare muri...
15 July 2020 Yasuwe: 1337 0

Uwigize Rambo ari guhigwa na polisi mu ishyamba ry’inzitane

Abapolisi bo mu gihugu cy’Ubudage, bashyigikiwe na Kajugujugu barimo guhiga...
14 July 2020 Yasuwe: 5218 0

Umunyamerikakazi wari umaze amezi 16 afungiwe muri hoteli yo muri Nigeriya...

Umugore w’umunya Amerika utatangajwe amazina, wari umaze amezi 15 afungiye...
14 July 2020 Yasuwe: 2449 0

Umugabo yarijijwe n’ibyo yasanze muri telefone y’umukobwa we

Ku myaka 27 y’amavuko, umusore yarambagije umukobwa w’imyaka 22 y’amavuko,...
11 July 2020 Yasuwe: 7848 0

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 4522 0