addresiya
startimes

Uko isi yiriwe Taliki ya 11 Mutarama 2019:Martin Fayulu agiye kujuririra ibyavuye mu matora

Amakuru   Yanditswe na: Dusingizimana Remy 11 January 2019 Yasuwe: 1476

Martin Fayulu watsinzwe amatora muri Repubulika iharanira demokarasi ya Kongo na Felix Tshisekedi yatangaje ko agiye kujuririra ibyavuye mu matora mu rukiko rurinda itegeko nshinga kuko yatsinze amatora n’amajwi 61%.



Fayulu wabaye uwa kabiri mu gutirwa cyane muri Congo,n’amajwi 34.8% yavuze ko Komisiyo y’igihugu y’amatora yamwibye amajwi iyaha Tshisekedi ariyo mpamvu agiye kujurira.

Yagize ati “Kuri uyu wa Gatandatu turajya mu rukiko rurinda itegeko nshinga gusaba ko amajwi yasubirwamo akabarurwa.”

Fayulu yari yiteze ko azatsinda amatora cyane ko kiliziya gatolika muri RDC yari yatangaje mbere ko ariwe watsinze binyuze mu ndorerezi zayo.

Abanyeshuli batsinze ibizamini bya Leta batarabona ibigo barasaba REB gufashwa byihuse


Bamwe mu banyeshuli batsinze ibizamini bya Leta mu mashuli abanza n’icyiciro rusange bari mu gihirahiro kubera ko batarabona ibigo by’amashuli bazigaho.

Hirya no hino mu Rwanda abanyeshuli baribaza uko bazatangira amasomo kuwa mbere w’icyumweru gitaha nkuko babitangarije Radio Rwanda.

Umwe muri aba banyeshuri yagize ati “Nk’ubu tuzatangira ku wa mbere, ntiturabona babyeyi ngo umuntu amenye nzishyura angahe? Tuziga hehe, tuzishyura hehe n’ibigo tuzigaho.”

Undi ati “Naratsinze njya kuri Cyber kureba ko amanota yanjye yasohotse, amanota ndayabona noneho ntegereza ko mbona babyeyi ndayibura nsubiye kuri Cyber barambwira ngo njye ku Karere ka Gasabo ndatega njyayo, kugeza n’ubu ntabwo ndabona babyeyi sinzi ikigo nzajya kwigaho.”

Umuyobozi ushinzwe ibizamini n’Isuzumabumenyi mu Kigo gishinzwe guteza imbere uburezi mu Rwanda, Dr Sebaganwa Alphonse, avuga ko ikoranabuhanga ryakoreshejwe bwa mbere abanyeshuri biyandikisha kugira ngo bazakore ibizamini, ari kimwe mu byateje iki kibazo.

Yagize ati “Buri munyeshuri agira iyo nimero ndangamunyeshuri igomba guhura n’izina rye ari na yo akoresha kugeza mu kizami, ari nayo dukoresha kugera tumuhaye ikigo ajyaho, aho niho habereye amakosa abayobozi bamwe b’ibigo by’amashuri ntibakora akazi kabo neza kuko hari n’abatarabikoraga babihaga abandi ngo babibakorere, ugasanga ntibabikoze neza kuko hari n’abadahugukiwe cyane ikoranabuhanga.”

REB yohereje abakozi mu turere twose kugira ngo babonane n’abayobozi b’amashuri mu gukemura ibi bibazo vuba.

UEFA yamaze gutangaza ikipe y’umwaka yatowe n’abafana

Ishyirahamwe ry’umupira w’amaguru I Burayi ryamaze gutangaza ikipe yatowe n’abafana y’abakinyi 11bitwaye neza mu mwaka w’imikino ushize.

Muri aba bakinnyi ntihagaragayemo umukinnyi Mohamed Salah witwaye neza mu mikino ya UEFA Champions League ishize ndetse na Neymar Jr.

Abagize ikipe y’umwaka ya UEFA yatowe n’abafana:

Umunyezamu: Marc-André ter Stegen

Ba myugariro:Sergio Ramos,Virgil van Dijk,Raphaël Varane,Marcelo

Abakinnyi bo hagati: N’Golo Kanté ,Luka Modrić,Eden Hazard

Ba rutahizamu: Kylian Mbappé,Lionel Messi,Cristiano Ronaldo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hhh

    Isi yanyu se igarukira muri Congo? Muba mudutuburira gusa

    January 2019

Inzindi nkuru

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1079 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 2638 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1165 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2647 1

Umugore yishe abana be 3 nawe agerageza kwiyahura urupfu ruramwanga...

Mu guhugu cya Philippines, umubyeyi w’abana batatu barimo umwe wari ukiri ku...
27 May 2020 Yasuwe: 3308 0

Umukobwa yavuze agahinda yatewe n’inshuti ye magara yamutwaye umukunzi bari...

Umukobwa ukomoka muri Nigeria yerekeje kuri Twitter arijujuta nyuma yuko...
27 May 2020 Yasuwe: 2201 1