dnd

Umugore yamaze iminsi 3 yaraburiwe irengero ari mu bwihisho kugira ngo atabarurwa gusa ntibyamuhiriye

Amakuru   Yanditswe na: Martin Munezero 31 August 2019 Yasuwe: 3241

Mu gihugu cya Kenya umugore utatangajwe amazina yamaze iminsi itatu mu rwihisho kugira ngo atabarurwa ariko birangira umugambi we umupfubanye.



Umugore wo muri Kenya yihishe iminsi 3 ngo atabarurwa umugambi uramupfubana
Uyu mugore yaburiwe irengero kuva ku wa Mbere w’ iki cyumweru nk’ uko byemezwa na Anthony Kariuki umuyobozi w’ agace ka Riabai muri Kiambu ari naho uyu mugore atuye.

Yagize ati “Twasanze inzu nta bantu bayibamo, tubajije abaturanyi batubwira ko uwo mugore yaburiwe irengero kuva ku wa mbere”.

Iribarura rusange ry’ abaturage riri kuba muri iyi minsi ryaravuzwe cyane mu bitangazamakuru bitandukanye bitewe n’ ibwirizwa ryatanzwe rivuga ko mu mpera z’ icyumweru utubari tuzafungwa kare kugira ngo abaturage babe bari mu ngo.

Umuyobozi w’ aga gace yari yabwiye abaturanyi b’ uyu mugore ko nibabona agarutse bahita barya akara ubuyobozi, umugore agiye kubona abona abakarani b’ ibarura bamuguyeho aratungurwa.

Uyu mugore yari yagarutse mu rugo yibwira ko ubwo agace atuyemo abakarani bakarenze batazasubira inyuma.

Nk’ uko bitangazwa na Nairobi News uyu mugore ubwo abakarani b’ ibarura bari bamuguye gitumo ntabwo yaruhanyije.

Kariuki avuga ko uyu mugore yahishuye ko impamvu yari yahunze ari uko idini rye ritemera ibijyanye n’ ibarura ry’ abaturage.

Kariuki avuga ko uretse abaturage bake bagiye bagaragaza kudashaka kubarurwa ubundi iri barura riri kugenda neza.

Imibare izava muri iri barura riri kuba muri Kenya , izasimbura iyavuye mu ibarura ryo muri 2017 ryagaragaje ko Kenya ituwe na miliyoni 49,7.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umusore w’imyaka 18 yakoze amateka akomeye nyuma y’aho umuryango we utanze...

Umusore w’imyaka 18 witwa Van Beek yaciye ibintu mu binyamakuru no ku mbuga...
18 January 2020 Yasuwe: 2156 0

Ayanna Pressley umudepite wo muri Amerika yaciye ibintu nyuma yo kugaragaza...

Ayanna Pressley umudepite mu nteko ishinga amategeko ya leta zunze ubumwe...
18 January 2020 Yasuwe: 3103 0

Callixte wiyise Sankara ntakiburanishijwe n’urukiko rwa gisirikare

Urukiko Rukuru urugereko rwihariye rushinzwe kuburanisha ibyaha...
17 January 2020 Yasuwe: 2187 1

Kompanyi y’indege yasabye imbabazi nyuma yo gusuzuma umugenzi ko...

Kompanyi y’indege yasabye imbabazi nyuma y’uko itegetse umugenzi gusuzumwa ko...
17 January 2020 Yasuwe: 2236 0

Umunyamakuru wa Radio Isanganiro yafunzwe nyuma y’inkuru yatangaje

Blaise Pacal Kararumiye umunyamakuru wa Radio Isanganiro mu ntara ya Karuzi...
17 January 2020 Yasuwe: 6953 0

Igikomangoma cy’Ubwongereza Harry n’umugore we baherutse guhabwa ikaze muri...

Igikomangoma mu Bwami bw’u Bwongereza Harry ndetse n’umugore we Meghan...
17 January 2020 Yasuwe: 4225 0