addresiya
startimes

Umukecuru ukuze kurusha abandi bantu ku isi yatunguye umuryango we arokoka icyorezo cya Coronavirus batari babyiteze

Amakuru   Yanditswe na: Martin Munezero 11 April 2020 Yasuwe: 2626

Mu gihugu cy’Ubuholandi haravugwa inkuru y’umukecuru w’imyaka 107 y’amavuko witwa Cornelia Ras, wakize Coronavirus, akaba abaye umuntu ukuze kurusha abandi ku Isi ushoboye gukira iyi ndwara bikunze kuvugwa ko abo mu za bukuru bigoranye kuyirokoka.



Cornelia Ras yafashwe na Coronavirus ku wa 17 Werurwe 2020, nyuma y’umunsi umwe yizihije isabukuru y’imyaka 107 y’amavuko, nk’uko ikinyamakuru AD cyo mu Buholandi kibitangaza, ngo Cornelia yafashwe na ubwo yari avuye mu misa ari kumwe n’abandi bantu baturanye ku kirwa cya Goeree-Overflak.

We n’abandi bantu 40 bari kumwe barasuzumwe, basanga bose bamaze kwandura kiriya cyorezo.

AD ikaba ivuga ko abantu 12 muri bariya 40 bishwe na Coronavirus, gusa Ras we akabwirwa n’abaganga ku wa mbere w’iki cyumweru ko yakize kiriya cyorezo.

Maaike de Groot, umwisengeneza wa Ras, yavuze ko batari bazi ko azakira kiriya cyorezo. Yagize ati:

Ntabwo twari twiteze ko azarokoka. Nta miti afata, aracyagenda neza kandi apfukama buri joro kugira ngo ashimire Uwiteka. Urebye, azashobora gukomeza kubikora.

Mbere ya Ras, umuntu ukuze kurusha abandi wari warokotse Coronavirus, ni Bill Lapschies, Umunyamerika w’imyaka 104 warokotse Intambara ya Kabiri y’Isi n’icyorezo cy’ibicurane bya Espagne (Spanish Flu).

Lapschies wavukiye i Salem mu 1916, yari yerekanye bwa mbere ibimenyetso bya Coronavirus ku wa 05 Werurwe, ahita ashyirwa mu kato mu rugo rwe.

Umukecuru wo mu Bushinwa witwa Zhang Guangfen w’imyaka 103, na we yakize Coronavirus nyuma yo kuvurwa iminsi itandatu i Wuhan.

Muri Iran na ho umukecuru w’imyaka 103 utaravuzwe amazina na we yakize Coronavirus ikunze kwibasira abasheshe akanguhe, nyuma yo kuvurirwa mu bitaro mu mujyi wa Semnan.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Perezida Magufuli yashimiye abaturage ba Tanzania kutambara...

Kuri uyu wa Gatanu, Perezida wa Tanzaniya, John Pombe Magufuli, yashimiye...
5 June 2020 Yasuwe: 4692 0

Akari ku mutima w’abahagarariye rya Torero rya mbere rya Satani muri...

Pretoriya – Itorero rya mbere rya satani ryatangijwe muri Gashyantare uyu...
5 June 2020 Yasuwe: 2509 0

Umuhanzi na Gafotozi basabwe gusaba imbabazi Perezida wa Zambia bitarenze...

Muri Zambia umuhanzi witwa Brian Bwembya n’umufotozi Tukuta Chellah basabwe...
5 June 2020 Yasuwe: 753 0

Diane umukobwa mwiza yavuze uburyo yagurishije roho ye na Satani

Umukobwa wo muri Nigeria witwa Diane Emily Kamsi akomeje kwigarurira...
4 June 2020 Yasuwe: 3673 0

Haravugwa amarozi muri Perezidansi ya Congo[IPEREREZA RIRI GUKORWA]

Iby’impfu zikurikiranye mu bayobozi begereye Perezida wa Repubulika...
4 June 2020 Yasuwe: 2047 0

Umusore w’umunyeshuri ari gushinjwa n’abakobwa 24 bose kubafata ku...

Umukozi w’umutungo utimukanwa (Umukomisiyoneri) uzwi ku izina rya Godknows...
4 June 2020 Yasuwe: 2028 1