startimes

Umuntu wa mbere yishwe na coronavirus hanze y’Ubushinwa

Amakuru   Yanditswe na: Martin Munezero 2 February 2020 Yasuwe: 2107

Umugabo yishwe na coronavirus mu gihugu cya Philippines, bikaba ari bwo bwa mbere byemejwe ko hari umuntu wazize iyo virusi hanze y’Ubushinwa.



Uwo murwayi ni Umushinwa w’umugabo w’imyaka 44 y’amavuko ukomoka i Wuhan, mu ntara ya Hubei, aho iyo virusi yagaragaye bwa mbere.

Yagaragaraga nkaho yanduye iyo virusi mbere yuko agera muri Philippines, nkuko bitangazwa n’ishami ry’umuryango w’abibumbye ryita ku buzima (OMS/WHO).

Abantu barenga 300 bamaze kwicwa n’iyo virusi kugeza ubu, benshi muri bo bakaba ari abo mu ntara ya Hubei, naho abarenga 14,000 bamaze kuyandura ku isi.

Uwo mugabo yagize ikibazo cyo kwangirika kw’ibihaha nyuma yo kugezwa ku bitaro mu murwa mukuru Manila, nkuko urwego rushinzwe ubuzima rwa Philippines rubivuga.

Yageze muri icyo gihugu, anyuze muri Hong Kong, ari kumwe n’Umushinwakazi w’imyaka 38 y’amavuko na we wasanganwe iyo virusi mu cyumweru gishize, nkuko urwego rw’ubuzima rwa Philippines rukomeza rubitangaza.

Rabindra Abeyasinghe, uhagarariye OMS muri Philippines, yagize ati: "Uyu ni umuntu wa mbere upfuye [azize coronavirus] hanze y’Ubushinwa".

"Ariko, dukwiye kuzirikana ko uyu atayanduriye hano. Uyu ni umuntu wari waturutse mu ndiri yayo [ya coronavirus]".

Urupfu rw’uwo mugabo rwatangajwe nyuma gato yaho Philippines nayo itangarije ko igiye guhita itangira kubuza ko abagenzi bavuye mu Bushinwa bagera muri icyo gihugu.

Icyo cyemezo cya Philippines cyije gikurikira icy’ibindi bihugu bimwe byo ku isi byafunze imipaka yabyo bikumira abantu bavuye mu Bushinwa, mu gihe abategetsi bakomeje gukumira ikwirakwira ryihuse ry’iyo virusi.

Leta Zunze Ubumwe z’Amerika na Australia byavuze ko bizangira kubigeramo abagenzi bose baherutse mu Bushinwa, aho ubu bwoko bushya 2019-nCov bwa coronavirus bwagaragaye bwa mbere mu kwezi kwa cumi na kabiri.

Ibindi bihugu birimo nka New Zealand, Uburusiya, Ubuyapani, Pakistani, Ubutaliyani na Singapour nabyo byatangaje ibyemezo nk’ibyo ku bagenzi.

Kuri iki cyumweru, Koreya y’Epfo yavuze ko itazemerera kuyinjiramo abanyamahanga baherutse gusura intara ya Hubei yo mu Bushinwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 7771 1

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 6665 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2749 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1653 0

Covid-19: U Rwanda ruri mu bihugu 4 byo muri Afurika bitemerewe kugirira...

Mu gihe icyorezo Covid-19 gikomeje kuvuza ubuhuha ku Isi, Ububiligi...
9 July 2020 Yasuwe: 6342 0

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 1091 0