startimes

Umunya-Nigeria yakoze ibitarakorwa n’undi uwo ariwe wese mu mateka ya Amerika ubwo yinjiriraga ibiro by’iki gihugu akoresheje ubwenge budasanzwe

Amakuru   Yanditswe na: Martin Munezero 14 December 2019 Yasuwe: 9505

Kugeza ubu Leta zunze ubumwe za Amerika, zimaze gutahura Abanyanigeria barenga 80, bakekwaho kuyivogera bifashishije ikoranabuhanga ryo kuri murandasi,aba bakaba baratangiye gufatwa kuva muri ¼ cy’uyu mwaka turimo ni ukuvuga mu mezi atatu abanza ya 2019.



Muri aba bose batahuwe n’inzego zibishinzwe muri Leta zunze ubumwe za Amerika, bafatwa nk’abavogereye ibikorwa bitandukanye bya leta mu buryo bwihariye bakoresheje ikoranabuhanga. Umwe muri bo witwa Abaeze Atuche ntafatwa kimwe na bo kuko we ibyo yakoze bitarakorwa n’undi uwo ariwe wese mu mateka.

Abaeze Atuche mu buryo bwe bwihariye burimo ubwenge bwinshi, yinjiriye ibiro bya Leta zuzne ubumwe za Amerika bishinjwe gutanga ubwenegihugu, aha abagize umuryango we wose ubwenegihugu bw’Amerika n’izindi nshuti ze 15 azigira abaturage ba Amerika mu buryo bwemewe na Leta.

Amerika itaratangaje uburyo yatahuyemo Atuche, yatangaje ko ubu iri guhangana n’uko yamenya abantu 33, bahawe ubwenegihugu na Abaeze Atuche nyuma yo kwinjirira ibi biro akoresheje ubwenege bwe mu ikoranabuhanga.

Abahanga muri Amerika bavuga ko ubwenge uyu musore yakoresheje budasanzwe, mu gihe bizwi ko byinshi bikorerwa kuri murandasi muri Amerika biba birimo umutekano udasanzwe ndetse n’uburinzi bwihariye bitewe n’abahanga baba baratoranyijwe mu kubikoresha,uyu musore we yaberetse ko hakiri byinshi bagikeneye gukora.

Mu gihe uyu musore yaba adatawe muri yombi bitewe n’ubwenge bwe yakoresheje yinjirira ibikorwa by’abandi atabiherewe uburenganzira, yakurikiranwaho icyaha cyo gutanga ubwenegihugu mu buryo butemewe.

Abaeze Atuche yageze kuri ibi mu gihe ari mu kigero cy’imyaka 29 y’amavuko, amakuru akaba yemeza ko yatangiye kubikora ubwo yari afite imyaka 24, ni ukuvuga ko yari amaze imyaka 5 adatuje abyigaho umunsi ku w’undi.

Mu mwaka wa 2013, kandi uyu musore yinjiye muri Amerika akoresheje uruhusha rw’inzira mpimbano agumay muri ubwo buryo. Mu mwaka wa 2016 nibwo abambere mu muryango we n’inshuti ze batangiye guhabwa ubwenegihugu bwa Amerika abikoze ku giti cye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Emmy

    Bamuhe akazi kuko arashoboye

    December 2019

Inzindi nkuru

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 866 0

Covid-19: U Rwanda ruri mu bihugu 4 byo muri Afurika bitemerewe kugirira...

Mu gihe icyorezo Covid-19 gikomeje kuvuza ubuhuha ku Isi, Ububiligi...
9 July 2020 Yasuwe: 2516 0

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 1020 0

Igihugu cy’u Burundi n’icya Sudani y’Epfo mu nzira yo kwirukanwa mu muryango...

Ibihugu by’Uburundi na Sudani y’Epfo biri mu nzira yo kwirukanwa mu muryango...
8 July 2020 Yasuwe: 873 0

Umukobwa w’imyaka 14 yahunze mu rugo ajya kubana n’umusore bahuriye kuri...

Umukobwa w’imyaka 14 utatangajwe amazina, yahunze urugo rw’ababyeyi be muri...
8 July 2020 Yasuwe: 1963 0

Perezida wa Congo ’Tshisekedi’ yatunguwe no kubona hazamurwa ibendera ritari...

Ku munsi wo kwizihiza umunsi mukuru w’ ubwigenge abaturage bo mu Ntara ya...
7 July 2020 Yasuwe: 14723 0