Umunyamabanga wa Leta muri Uganda yavuze uburyo inzego z’umutekano zikomeje kwica abayobozi banyuranye bakomeye[AMAFOTO]

Amakuru   Yanditswe na: Martin Munezero 20 May 2019 Yasuwe: 4401

Umunyamabanga wa Leta muri Ministeri y’Ikoranabuhanga ya Uganda, Idah Nantaba, arashinja abashinzwe inzego zishinzwe kubungabunga umutekano kwica abayobozi banyuranye, hakabeshyerwa inyeshyamba umutwe wa ADF.

Imbere y’itorero ry’abadivantiste b’umunsi wa karindwi, mu rusengero rwa Bukolooto mu mujyi wa Kayunga, Nantaba yagize ati “ Ukuri ni uko abo bicanyi bari mu nzego z’umutekano no muri guverinoma.”

Uyu muminisitiri yavuze ko aba bicanyi bari kurasa abantu bakomeye muri Uganda, na bo bakomeye kandi badakorwaho muri politique ya Uganda kuko bari mu nzego zo hejuru za guverinoma no muri Leta muri rusange.

Madame Nantaba yavuze ko nk’abanya-Uganda bafite ibibazo birenga ibihumbi 10 byo kwibaza ku uhitamo ko Umuganda wo kwicwa nk’inkoko. Ati “ nari ngiye gukurikiraho, ariko Imana ikinga akaboko.”

Aha Nantaba yakomozaga ku byabaye taliki ya 24 Werurwe 2019, ubwo polisi yarasaga ikica Ronald Ssebulime ku birego bifitanye isano n’uyu muministiri.

Polisi yaje kuvuga ko uwarashwe, yari afite intwaro arasana na polisi. Polisi kandi yemeza ko abofisiye bayo bishe umupfakazi w’imyaka 40, wari utuye mu karere ka Wakiso, agiye gusura abakobwa be babiri biga mu ishuri ryisumbuye ryitirirwe mutagatifu andre i Kabimbiri mu karere ka Kayunga.

Ntibiramenyekana niba Nantaba, umudepute w’umugore uhagarariye akarere ka Kayunga, wananenze cyane ubwicanyi bwa Ssebulime, niba hari icyo yatangarije polisi kuri ubu bwicanyi nyuma yo kutitaba bwa mbere, akavuga ko perezida Museveni yamusabye kuguma iwe mu rugo.

Uyu mugore uba no mu idini ry’abadiventiste, yasutse amarira hasi avuga ko uwari ugiye kumwica yagororewe kuzamurwa mu ntera, gusa yirinda kuvuga amazina.

Fred Enanga, uvugira Polisi ya Uganda, yavuze ko nta kirego na kimwe yakiriye cy’uyu muministiri, agaragaza ko haba hari abashatse kumwica, amusaba ko yareka kubinyuza mu itangazamakuru ahubwo akandika ikirego.

Abayobozi bakomeye muri Uganda, bamaze iminsi baraswa. Nka Ibrahim Abiriga wari umudepute wa Arua na Muhammad Kirumira wahoze ari umuyobozi wa polisi y’akarere ka Buyende bishwe barashwe mu mwaka ushize, bikavugwa ko ababishe bagenderaga kuri za moto bagahita batoroka.

Abandi bishwe ni uwari umushinjacyaha mukuru wa Leta, Joan Kagezi, uwahoze avugira polisi, Andrew Kawees, Maj Muhammed Kiggundu wari warasezerewe mu ngabo n’abandi bayisilamu bagera muri 12.

Nantaba yavuze ko yitabiriye amasengesho ngo avuge ukuri, kuko amaze iminsi myinshi yihisha kandi abanzi be bari gukoresha itangazamakuru bayobya uburari nk’uko barashe Ssebulime babeshya ko yari agiye kumwica.

Nantaba yavuze ko yafashe umwanzuro wo kwitabira amasengesho kuko azi igihe bazamwicira, akazajya mu ijuru.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abanyeshuli bava muri Congo biga mu Burundi ngo bari gufungwa ku...

Abanyeshuri bava muri Repubulika iharanira demokarasi ya Congo biga i...
23 September 2019 Yasuwe: 1968 0

EAC:U Burundi bugiye kujyanwa mu nkiko

Ihuriro ry’Imiryango ya sosiyeti sivili mu Karere k’Africa y’Uburasirazuba...
23 September 2019 Yasuwe: 1443 0

Kenya: Igikuta cy’ishuli ryagwiriye abanyeshuli abagera kuri 7 bahasiga...

Mu gitondo cyo kuri uyu wa Mbere,igikuta cy’ishuli ryo mu mujyi wa Nairobi...
23 September 2019 Yasuwe: 785 0

Tanzania:Umugabo w’umunyamerika yarohamye mu mazi arimo gusaba umukunzi we...

Umunyamerika Steven Weber ukomoka muri Louisiana, yarohamye mu mazi ubwo...
22 September 2019 Yasuwe: 5142 2

Hahishuwe ibintu bitangaje utemerewe gukora cyangwa kuvuga mu gihe wasuye...

Guhura n’umwamikazi w’u Bwongereza ndetse n’abagize umuryango w’ibwami bifatwa...
22 September 2019 Yasuwe: 3301 2

FARDC yashinyaguriye FDLR iri mu cyunamo cy’umuyobozi wayo baherutse...

Umuyobozi w’umutwe wa FDLR Byiringiro Victor yasohoye itangazo rivuga ko...
21 September 2019 Yasuwe: 6830 1