Umusore w’imyaka 18 yakoze amateka akomeye nyuma y’aho umuryango we utanze igitambo gikomeye kugira ngo yige

Amakuru   Yanditswe na: Martin Munezero 18 January 2020 Yasuwe: 4140

Umusore w’imyaka 18 witwa Van Beek yaciye ibintu mu binyamakuru no ku mbuga nkoranyambaga nyuma yo kuba umuntu wa mbere utsindiye kuba umupilote akiri muto mu mateka ya UK.



Uyu musore yakoze aya mateka nyamara yaravukiye mu muryango ukennye aho iwabo biyemeje kugurisha inzu babagamo kugira ngo babone amafaranga y’ishuri.

Nyina w’uyu musore Frances yiyemeje kugurisha inzu ye ajya gukodesha kugira ngo uyu mwana abone imyitozo ihagije yo gutwara indege.

Uyu musore wize cyane ibijyanye no gutwara indege z’ubucuruzi, yashyikirijwe impamyabumenyi yo kwinjira muri uyu mwuga nyuma y’amezi 18 amaze yitoza ndetse yamaze amasaha 150 mu kirere yitoza cyane kugira ngo abe inararibonye.

Ikinyamakuru The New York Post cyatangaje ko uyu musore yatangiye kugira inzozi zo gutwara indege ubwo yari afite imyaka 8 yonyine.

Nyuma y’aho nyina agurishije inzu babagamo, uyu mwana yahise yerekeza mu Bugereki mu ishuri ryigisha gutwara indege, yishyura akayabo k’amadolari ibihumbi 110. Van Beek yakuyeho agahigo kari gafitwe na Luke Elsworth we wabonye uruhushya rwo gutwara indege afite imyaka 19.

Uyu musore akimara gutsinda yagize ati: “Gutwara indege zari inzozi zanjye. Nta kindi kintu nigeze numva nshaka gukora.”

Uyu musore yagize amanota 90.6 arusha bagenzi be bose biganye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amafoto y’Ababyeyi bashyira abana mu mashashi kugira ngo babone uko...

Hari ibice bimwe na bimwe ku isi ubuzima buba butoroshye kuko nta mihanda,...
26 February 2020 Yasuwe: 2184 0

Weinstein wahoze ari umuyobozi ukomeye muri Hollywood yahamijwe ibyaha byo...

Harvey Weinstein wahoze akomeye cyane muri Sinema yo muri Leta zunze ubumwe...
25 February 2020 Yasuwe: 542 0

Tanzania: Umunyamakuru Eric Kabendera wari umaze amezi 7 muri gereza...

Nyuma y’amezi arindwi yari amaze muri gereza, umunyamakuru Eric Kabendera...
25 February 2020 Yasuwe: 1391 0

Intumwa y’Imana Gitwaza yaguze urusengero muri Amerika ku kayabo...

Itorero rya Zion Temple Celebration Centre ryaguze urusengero muri Leta...
24 February 2020 Yasuwe: 5710 0

Kenya:Abaganga bahunze ibitaro kubera abashinwa bari baje gusuzumwa...

Polisi ya Kenya yajyanye ku bitaro bya Makueni (Makueni hospital) Abashinwa...
24 February 2020 Yasuwe: 2974 1

Kenya igiye gukora ikintu gisekeje ku myenda y’Abapolisi mu rwego rwo...

Leta ya Kenya biravugwa ko igiye gufata ingamba zo gukura imifuka ku myenda...
24 February 2020 Yasuwe: 3413 1