addresiya
startimes

Umwamikazi Elizabeth II ijambo rye kuri Coronavirus bamwe mu Bongereza ntibaryishimiye

Amakuru   Yanditswe na: Martin Munezero 7 April 2020 Yasuwe: 10335

Umwamikazi Elizabeth II yaraye agejeje ku baturage bose ijambo rigamije kubahumuriza no gukomeza gufata mu mugongo ababuze ababo kubera icyorezo cya Coronavirus, ijambo ritishimiwe na bamwe mu Bongereza, cyane cyane biganjemo urubyiruko.



Mu ijambo yatambukije mu buryo bw’amashusho, Umwamikazi Elizabeth yashimiye abaganga n’abandi bakora mu nzego z’ubuzima, yashimiye kandi abitanga mu buryo bwo gushyigikira abagizweho n’ingaruka z’icyorezo ndetse anakangurira abaturage kuguma mu ngo zabo nk’imwe mu ngamba yagiye ifatwa hirya no hino ku isi.

Nubwo mu Bwongereza Umwamikazi ari umuntu ukomeye, bamwe mu rubyiruko banze kureba no gutega amatwi ubutumwa bwe ku cyorezo cya Coronavirus.

Megan w’imyaka 26 usanzwe ukora akazi ko kwita ku bana, yabwiye RFI ko nubwo yubaha ubutegetsi atari kureba ijambo ry’Umwamikazi. Yagize ati:

Njye natega amatwi abantu baba bihuriye n’abarwayi wenda nka Polisi cyangwa abaganga.

Umunyeshuri mu bijyanye n’ubwubatsi, Ahmed w’imyaka 26 we ngo ntiyigeze areba ijambo ry’Umwamikazi kuko yumvaga ntacyo ryamufasha haba mu by’umuco ndetse no mu by’ubukungu.

Umunyeshuri wimenyereza umwuga w’ubuforomo utashatse ko amazina ye atangazwa, we yavuze ko ntacyo yari kuba areba kuko yibereye ku kibuga biri kuberaho.Yagize ati:Dukeneye ibikorwa bifatika atari imvugo zirema abantu agatima gusa.

Abenshi bavuze ko bakeneye kumva ubuhamya n’inama za Polisi n’inzego z’ubuzima aho kumva ikinamico zuzuye ibinyoma abanyapolitiki baba babakinira kandi icyorezo gikomeje gufata indi ntera mu Bwongereza.

Urubuga Worldometer rugaragaza ko kuri ubu, Ubwongereza bubarura abarwayi ba Coronavirus 42,737 mu gihe 4,934 yabahitanye naho 135 bakize iki cyorezo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble RDB

    Natwe ntabwo twaryishimiye njyewe na Claire Akamanzi.

    1 month ago

Inzindi nkuru

Ghana ifite abanduye Coronavirus barenga 8000, bafunguye imisigiti...

Perezida wa Ghana, Nana Akufo-Addo yatangaje iyoroshywa ry’ingamba zo...
2 June 2020 Yasuwe: 818 0

Itorero rya satani rya mbere muri Afurika ryamaze kwiyandikisha...

Itorero rya mbere rya satani ryatangijwe muri Gashyantare 2020 ubu ryamaze...
1 June 2020 Yasuwe: 6158 1

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 4748 0

Amanda arangiza inshuro zirenga 50 ku munsi iyo ari gutera akabariro,yabaye...

Umukobwa wi’myaka 22 uzwi nka Amanda Grace afite uburwayi budasanzwe,...
31 May 2020 Yasuwe: 14518 1

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 2284 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 5171 0