Umwana w’umukobwa w’imyaka 4 yakuwe mu musarane nyuma yo gusambanywa n’abagabo babiri

Amakuru   Yanditswe na: Martin Munezero 17 June 2019 Yasuwe: 4282

Mu gihugu cya Uganda mu karere ka Loweero, umwana w’ imyaka 4 yakuwe mu musarane yari yatawemo n’ abamushimuse bakanamusambanya.



Uyu mwana kuri ubu uri kwitabwaho n’ abaganga bo mu bitaro bya gisirikare bya Bombo yashimuswe n’ abagabo babiri baramusambanya barangije bamuta muri uwo musarane wa metero zirenga 6.

Magingo aya uyu mwana aracyavurirwa mu gice cyagenewe kwita ku barwayi b’ indembe (Intensive care unit). Ntabwo arashobora kongera kureba kuko amaso ye yangiritse.

Tariki 8 Kamena 2019 ubwo nyina Sylvia Nabirye yari yitabiriye inama ya SACCO y’ umudugudu yabereye ku irushuri ribanza rya Sambwe Orthodox nibwo uyu mwana yaburiwe irengero.



Abashimuse uyu mwana bamukuye hanze y’ ishuri iyi nama yaberagamo bamujyana ahantu hatazwi bituma abura nk’ uko byatangaje na nyina Nabirye.

Yagize ati “Twashakiye mu mashuri yose turamubura. Abaturage bo mu mudugudu baradufasha dushakira mu bihuru biri hafi aho umukobwa turamuheba. Ku cyumweru no ku wa Mbere twarakomeje turamushakisha ariko ntitwamubona”.

Tariki 11 Kamena nibwo umukobwa wiga ku ishuri ribanza rya Sambwe Orthodox yagiye mu musarane yumva umwana uri munsi ye asaba ubufasha.



Rebecca Ayeta, Umuyobozi wa Polisi w’agateganyo mu karere ka Luweero yavuze ko abaturage bakuye uyu mwana w’ umukobwa mu musarane ananiwe cyane.

Polisi ikorera mu karere ka Loweero ivuga ko iri gushaka aho umwana yarari mbere y’ uko atabwa mu musarane.

Ibizami byo kwa muganga byagaragaje ko akarangabusugi k’ uyu mwana w’ umukobwa kangiritse.

Muri iyi minsi icyaha cyo gusambanya abana gikomeje gufata indi ntera muri Uganda. Polisi ya Uganda yataye muri yombi abagabo babiri babonanywe umwana w’ umukobwa bamutwaye kuri moto.

Abatawe muri yombi bafungiye kuri sitasiyo ya polisi y’ akarere ka Loweero, bakurikiranyweho gushimuta, kugerageza kwica no gusambanya umwana.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

OMS nayo yamaganiye kure ibyo kugeragereza urukingo rwa Coronavirus ku...

Umuyobozi w’Ishami ry’umuryango w’Abibumbye ryita ku buzima (OMS), Dr Tedros...
7 April 2020 Yasuwe: 1659 0

Umwuka mubi hagati y’Ubwongereza n’Ubushinwa kubera Coronavirus

Kuba Ubwami bw’u Bwongereza bushinja Ubushinwa kuba bwarabarangaranye...
7 April 2020 Yasuwe: 3816 0

Uganda:Abasirikare n’abapolisi bakoreye ibya mfura mbi abagore n’abagabo...

Abapolisi 11 n’abasirikare 6 bari ku burinzi bugamije kureba iyubahirizwa...
7 April 2020 Yasuwe: 6837 0

Uruganda rw’inzoga za Corona rwahagaritse imirimo yarwo kubera...

Uruganda Grupo Modelo rwo muri Mexique rwakoraga inzoga zo mu bwoko bwa...
6 April 2020 Yasuwe: 2781 0

Umugabo yarumye umuturanyi we umunwa hafi kuwuca amuziza gutuma umwana...

Umukozi wa Kompanyi KCCA muri Uganda yarumye umuturanyi we umunwa yenda...
6 April 2020 Yasuwe: 3216 0

Covid-19:Abayobozi bakomeje kugubwa gitumo barenze ku mabwiriza yo kuguma...

Abayobozi bo mu gihugu cya Kenya bakomeje gutungurwa bakagubwaho gitumo,...
6 April 2020 Yasuwe: 14068 0