startimes

Umwicanyi yatsindiye uburenganzira bwo kwibagirana burundu

Amakuru   Yanditswe na: Martin Munezero 28 November 2019 Yasuwe: 1692

Urukiko rukuru rw’Ubudage rwategetse ko umugabo waho wahamwe n’icyaha cyo kwica mu mwaka wa 1982 afite uburenganzira bw’uko izina rye rikurwa mu bigaragara mu mashakisha yo kuri internet.



Urukiko rw’itegekonshinga rw’i Karlsruhe mu majyepfo ashyira uburengerazuba y’Ubudage rwanzuye rushyigikira uwo mugabo.

Yahanishijwe igihano cya burundu kubera kwica abantu babiri mu bwato bwite bwo mu bwoko bwa ‘yatch’ mu mwaka wa 1982.

Yafunguwe mu mwaka wa 2002 ndetse avuga ko ashaka ko izina rye ryo mu muryango ritandukanywa n’icyaha cye.

Icyo cyemezo cy’urukiko gishobora gutuma ibitangazamakuru bigabanya uburyo bwo kubona amakuru yabyo yo mu gihe cyashize ari mu bubiko bwo kuri internet.

BBC dukesha iyi nkuru ivuga ko uwo mugabo yari mu bwato bwitwa Apollonia muri Caraïbes ubwo yicaga arashe abantu babiri ndetse agakomeretsa bikomeye undi umwe mu bushyamirane bagiranye.

Urwo rubanza rwanditsweho igitabo ndetse rukorwaho n’inkuru mbarankuru ya televiziyo.

Mu 1999, ikinyamakuru Der Spiegel cyashyize ku rubuga rwacyo rwa internet inkuru eshatu zo mu mwaka wa 1982 no mu mwaka wa 1983 zirimo n’izina ry’uwo mugabo.

Izo nkuru n’ubu zishobora kuboneka mu buryo bworoshye uzishatse ku rubuga rwa Google.

Uwo mugabo yamenye ko izo nkuru ziriho mu mwaka wa 2009, asaba ko zikurwaho.

Yavuze ko zihonyora uburenganzira bwe n’”ubushobozi bwe bwo kwaguka nk’umuntu”, nkuko bikubiye mu itangazo ry’urukiko.

Ku ikubitiro iyo dosiye yateshejwe agaciro n’urukiko mu mwaka wa 2012, ruvuga ko uburenganzira bwe ku buzima bwite butarusha agaciro inyungu za rubanda n’ubwisanzure bw’itangazamakuru.

Ariko urukiko rw’itegekonshinga rwatesheje agaciro icyemezo cy’urwo rukiko rwa mbere, ubu urubanza rukaba rugiye kongera gusubira mu nkiko.

Ibitangazamakuru byemerewe kubika kuri internet inkuru zakozwe mu gihe cyashize, ariko bishobora gutegekwa kuzikuraho iyo bibisabwe.

Ikibazo cy’”uburenganzira bwo kwibagirana” ntikivugwaho rumwe, kikaba gikomeje guteza ubushyamirane hagati y’ibihugu byo mu muryango w’ubumwe bw’Uburayi (EU) na kompanyi y’ikoranabuhanga Google.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 3955 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4265 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 13423 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 19656 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2902 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1791 0