skol
startimes

Urubanza rwa Paul Rusesabagina ruzakurikiranwa n’ikigo cy’Abavoka b’Abanyamerika

Amakuru   Yanditswe na: Martin Munezero 23 September 2020 Yasuwe: 1168

Ikigo cy’Abavoka b’Abanyamerika baharanira Uburenganzira bwa Muntu cyatangaje kuri uyu wa Mbere ko nacyo kiteguye gukurikiranira hafi urubanza rwa Paul Rusesabagina ruteganyijwe mu minsi iri imbere mu Rwanda.


Ni nyuma y’aho Fondasiyo y’ubutabera y’umukinnyi wa filimi George Clooney (Clooney Foundation for Justice), nayo itangaje ko izakurikiranira hafi iby’uru rubanza. George Clooney n’umugore we, Amal Clooney bagize bati:

Abagenzuzi bacu ba TrialWatch bazaba bahari kugira ngo bazakurikirane iburanisha ry’uru rubanza kugirango barebe niba ryubahiriza amahame mpuzamahanga no kumenya ko Rusesabagina azahabwa ubutabera kandi mu mucyo.

Urubuga Thestreetjournal rwatangaje iyi nkuru, ruvuga ko gukurikirana iburanisha bizasaba kohereza indorerezi zidafite aho zibogamiye mu rukiko kugira ngo zizakurikirane imiburanishirize y’urubanza, zikemererwa gusuzuma mu buryo butabogamye niba urubanza rwujuje ubuziranenge bw’akarere ndetse n’amahanga.

Paul Rusesabagina yamamaye cyane ku Isi nyuma ya filimi ‘Hotel Rwanda’ yakinwe ku buzima bwe asingizwa nk’intwari yarokoye abantu bari bahungiye muri Hotel de Milles Collines muri Jenoside yakorewe Abatutsi nubwo ibyakinwe muri iyi filimi bitavugwaho rumwe, aho abantu bamwe batemera ibyo yitirirwa.

Kuri ubu uyu mugabo w’imyaka 66 ari mu Rwanda, aho yageze ku itariki 28 Kanama 2020 azi ko aje mu Burundi aho yari yatumiwe mu nama y’abavugabutumwa nk’uko aherutse kubihishura.

Nk’umuyobozi w’ihuriro MRCD ritavuga rumwe n’ubutegetsi bw’u Rwanda rifite umutwe witwaza intwaro wa FNL, akurikiranweho ibyaha by’iterabwoba, ubufatanyacyaha mu gushimuta, n’ubujura bwitwaje intwaro, n’ibindi byakozwe n’uyu mutwe mu majyepfo y’u Rwanda mu 2018.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble dg

    America se ni igiki? Nibabanze bakurikirane ibibazo bu’abirabura birirwa bicirwa kumihanda bazira akamama

    1 month ago

Inzindi nkuru

Perezida Museveni na Bobi Wine bagiye guhurira mu biganiro mpaka

Abakandida bahatanira kuyobora Uganda barimo Perezida Yoweri Kaguta...
30 October 2020 Yasuwe: 1254 0

Abasirikare 2 baguye mu mirwano yasakiranyije ingabo za Uganda n’iza Sudani...

Abasirikare babiri ba Sudani y’Epfo ku wa Kabiri w’iki cyumweru barashwe...
30 October 2020 Yasuwe: 944 0

Bobi Wine yaba ashyigikiwe bikomeye n’ibihangange ku Isi mu matora...

Biravugwa ko Bobi Wine, umunyamuziki wahindutse umunyapolitiki, Robert...
29 October 2020 Yasuwe: 2642 0

Congo:Umwofisiye mukuru wa FARDC ari guhigwa bukware nyuma yo kuburirwa...

Inzego za gisirikare muri Repubulika Iharanira Demokarasi ya Congo, ziri...
29 October 2020 Yasuwe: 2571 0

Umugore yakase ubugabo bw’umugabo we amuziza gutera inda undi...

Muri Nigeria, mu karere ka Lau muri Leta ya Taraba, umugore ugeze mu kigero...
29 October 2020 Yasuwe: 3012 1

RIB yataye muri yombi Mutangana Jean Bosco

Urwego rw’Igihugu rw’Ubugenzacyaha (RIB), rwatangaje ko ruheruka guta muri...
29 October 2020 Yasuwe: 2332 0