Wa Mwana w’imyaka 9 wari ugiye kurangiza Kaminuza yavuye mu ishuri[AMAFOTO]

Amakuru   Yanditswe na: Martin Munezero 12 December 2019 Yasuwe: 3467

Umwana w’umuhanga wari ufite ubwenge budasanzwe wari witezweho kurangiza kaminuza yo mu gihugu cy’Ubuholandi muri uku kwezi yavuye mu ishuri.



Ababyeyi ba Laurent Simons, bifuzaga ko arangiza kaminuza mbere y’isabukuru ye ku itariki 26 z’uku kwezi kugira ngo ace umuhigo w’umuntu muto ku isi warangije kaminuza ataragira imyaka 10.

Gusa kaminuza ya Eindhoven yababwiye ko hakiri ibizamini byinshi Laurent akeneye gukora mbere y’icyo gihe.

Ababyeyi be banze ibyo kaminuza yababwiye ko uyu mwana azarangiza hagati mu 2020, bahita bamuvana mu masomo.

Kubera ubwenge bwe, Laurent yagombaga kurangiza ishami rya ‘electrical engineering’ – ubundi ryigwa imyaka itatu – mu gihe cy’amezi 10 kugira ngo isabukuru ye itagera atarangije.

Alexander Simons, se w’uyu mwana, yabwiye ibinyamakuru mu Buholandi ko iyi kaminuza yamunenze kureka itangazamakuru rikavuga cyane umwana we.

Simons yabwiye ikinyamakuru De Volkskrant ati: “Twabwiwe ko kuba itangazamakuru rireba umwana wacu bimushyiraho igitutu, ko nitubikomeza bazanamukoresha ikizamini cy’ubuzima bwo mu mutwe.”

Arakomeza ati: “Iyo umwana akina umupira neza, twese twumva ko itangazamakuru rikwiye kumugaragaza. Umuhungu wanjye afite impano itandukanye, kuki we itamutera ishema?”



Kuri Instagram ya Laurent Simons yashyizeho ifoto igaragaza email kaminuza yabandikiye mu kwezi gushize ibabwira ko ashobora kurangiza muri uku kwezi, yayanditseho ngo “ababeshyi ababeshyi!!!”

Itangazo ryasohowe na kaminuza y’ikoranabuhanga ya Eindhoven rivuga ko bidashoboka ko Laurent arangiza ataruzuza imyaka 10 mu gihe agikura mu “ntekerezo n’inyurabwenge”.

Iyi kaminuza ivuga ko kwihutisha uyu mwana akarangiza kaminuza, ubushobozi bwe nk’uwarangije kaminuza bwahazaharira.



Iyi kaminuza kandi mu itangazo ryayo inenga “gushyira igitutu ku mwana w’imyaka icyenda, ufite impano idasanzwe”.

Laurent, ufite igipimo cy’ubwenge (IQ/ intelligence quotient) kigera ku 145, yari afite imyaka ine atangira amashuri abanza.

Ubushakashatsi bwakozwe n’abahanga b’Abadage buvuga ko 2/3 by’abantu babukoreweho bafite iki gipimo kiri hagati ya IQ 85 na IQ 115, naho 2,5% ari bo bafite gusa hejuru ya IQ 130.

Ku myaka itandatu Laurent yari ageze mu mashuri yisumbuye, kubera ubwenge yarihuse cyane imyaka itandatu ayiga mu myaka ibiri ituzuye, yinjira kaminuza ariyo yari agiye kurangiza.

Guinness Book of World Records yandikwamo abaciye imihigo ku isi ivuga ko umunyamerika Michael Kearney wari ufite imyaka 10 ariwe muntu warangije kaminuza ari muto cyane, hari mu 1994.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

OMS nayo yamaganiye kure ibyo kugeragereza urukingo rwa Coronavirus ku...

Umuyobozi w’Ishami ry’umuryango w’Abibumbye ryita ku buzima (OMS), Dr Tedros...
7 April 2020 Yasuwe: 1447 0

Umwuka mubi hagati y’Ubwongereza n’Ubushinwa kubera Coronavirus

Kuba Ubwami bw’u Bwongereza bushinja Ubushinwa kuba bwarabarangaranye...
7 April 2020 Yasuwe: 3207 0

Uganda:Abasirikare n’abapolisi bakoreye ibya mfura mbi abagore n’abagabo...

Abapolisi 11 n’abasirikare 6 bari ku burinzi bugamije kureba iyubahirizwa...
7 April 2020 Yasuwe: 5767 0

Uruganda rw’inzoga za Corona rwahagaritse imirimo yarwo kubera...

Uruganda Grupo Modelo rwo muri Mexique rwakoraga inzoga zo mu bwoko bwa...
6 April 2020 Yasuwe: 2711 0

Umugabo yarumye umuturanyi we umunwa hafi kuwuca amuziza gutuma umwana...

Umukozi wa Kompanyi KCCA muri Uganda yarumye umuturanyi we umunwa yenda...
6 April 2020 Yasuwe: 3180 0

Covid-19:Abayobozi bakomeje kugubwa gitumo barenze ku mabwiriza yo kuguma...

Abayobozi bo mu gihugu cya Kenya bakomeje gutungurwa bakagubwaho gitumo,...
6 April 2020 Yasuwe: 13588 0