skol
startimes

Yiguriye imodoka yo mu bwoko bwa Lamborghini muri Miliyari 4 z’amafaranga y’u Rwanda yibye mu kigega gifasha imishinga yagizweho ingaruka na Coronavirus[AMAFOTO]

Amakuru   Yanditswe na: Martin Munezero 30 July 2020 Yasuwe: 4369

Umugabo witwa David T Hines w’imyaka 29 y’amavuko arashinjwa kwiba asaga miliyoni $3.9 ni ukuvuga asaga hafi miliyari 4 mu mafaranga y’u Rwanda mu kigega gifasha imishinga yagizweho ingaruka na Covid-19 akigurira imodoka yo mu bwoko bwa Lamborghini.


David T Hines uvuka muri Miami, muri leta ya Florida muri Leta Zunze Ubumwe za Amerika arashinjwa kwiba mu kigega cyo muri Leta Zunze Ubumwe za Amerika, Paychech Protection Program (PPP) gifasha imishinga yagizweho ingaruka na Covid-19 no gufasha bamwe mu bafite imishinga itandukanye kubasha kwishyura abakozi babo.

Ubuyobozi bwo muri Florida kuru uyu wa mbere bwatangaje ko, uyu mugabo ashinjwa kwiba asaga miliyoni $3.9 mu kigega Paychech Protection Program akigurira imodoka ya Lamborghini ifite agaciro kagera ku $318,000 ni ukuvuga asaga miliyoni 304.4 Frw.

Nk’uko byatangajwe n’urwego rushizwe ubutabera muri leta zunze ubumwe za Amerika (US Department of Justice) bavuga ko uyu mugabo akurikiranyweho icyaha cyo gukora inyandiko zitujuje ibisabwa mu rwego rwo gusaba inguzanyo muri banki, uburiganya mu kubona inguzanyo muri banki (Bank Fraud) no kubona amafaranga mu buryo budakurikije amategeko.

Uyu mugabo arashinjwa kandi icyaha cyo gutanga ubusabe mu kubona inguzanyo muri iki kigega mu mazina ya kampani zitandukanye. Abakora iperereza kuri uyu mugabo bavuga ko mu mpapuro yatanze mu rwego rwo kubona aya mafaranga, yabeshye umubare w’abakozi muri izi kampani za baringa yavugaga ko abereye umuyobozi, ndetse bakomeza bavuga ko yabeshye n’umubare w’amafaranga cyangwa umushahara abakozi muri izi kampani bahembwa.

Amafaranga David T Hines yasabaga nk’iguzanyo muri rusange yageraga kuri miliyoni $13.5, gusa nyuma yaje guhabwa miliyoni $3.9. Nyuma yo guhabwa aya mafaranga yahise ajya kuyishimishamo, ajya kugura ibintu bitandukanye bihenze cyane.

Mu minsi micye amaze kubona aya mafaranga yahise aguramo imodoka yo mu bwoko bwa “Lamborghini Huracan” ku $318,00. Iyi modoka mu kuyigura yayandikishije mu mazina ye bwite ndetse no mu mazina y’imwe muri kampani ze.

Uretse iyi modoka ihenze cyane yaguze, uyu mugabo yaguze n’ibindi bintu bitandukanye bihenze cyane harimo nk’imikufi n’imyenda. Andi mafaranga nayo yayakoresheje ku mbuga zitandukanye zikoreshwa mu kurambagizanya (Dating Websites) andi ayakoresha muri hoteli zihenze cyane ziri ahazwi nka Miami Beach muri Florida.

Hines yatawe muri yombi kuwa gatanu w’icyumweru gishize, aho mbere y’uko atabwa muri yombi hari hatanzwe igihembo kingana na $100,000 ku muntu wese uzatanga amakuru y’ahantu yaba aherereye. Uyu mugabo yagejejwe bwa mbere imbere y’urukiko kuwa Mbere w’iki cyumweru.

Src: The Independent

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kizito Mihigo yahawe igihembo cya ‘Václav Havel International’, bwa mbere...

Bwa mbere mu mateka, Umuryango mpuzamahanga uharanira uburenganzira bwa...
18 September 2020 Yasuwe: 3904 0

Ubutegetsi bushya bw’u Burundi nta kizere bufitiwe mu kubahiriza...

Ubutegetsi bushya bw’u Burundi buyobowe na Perezida Evariste Ndayishimiye...
18 September 2020 Yasuwe: 654 0

Sudani: Abasaga 40 bafatanywe ibiturika byinshi byasenya umujyi wose wa...

Abategetsi bo muri Sudani batangaje ko abantu 41 batawe muri yombi, nyuma...
18 September 2020 Yasuwe: 772 0

Umukobwa wa Paul Rusesabagina yanenze imyitwarire y’igihugu cy’u...

Umukobwa wa Paul Rusesabagina, Carine Kanimba, yanenze imyitwarire y’igihugu...
17 September 2020 Yasuwe: 8011 0

Yiswe umubyeyi w’ikinyejana nyuma yo kugurira abakobwa be 3 imodoka zihenze...

Florence Ifeoluwa Otedola, umukobwa w’imyaka 27 uzwi nka Dj Cuppy,...
17 September 2020 Yasuwe: 8115 0

Couple y’umugabo w’ibiro 25,ufite uruhu rukanyaraye n’umukobwa w’ikibuno...

Umugabo witwa Moussa Sandiana Kaba uzwi ku kazina ka Grand P, umukinnyi wa...
14 September 2020 Yasuwe: 8827 0