Ikipe ya Manchester United "yagiranye ibiganiro" n’umutoza Thomas Tuchel ngo ayibere umutoza mushya mu gihe igitutu gikomeje kwiyongera kuri Erik Ten Hag.

Sponsored Ad

Ku cyumweru, Ten Hag w’imyaka 54, yanenzwe na benshi kubera ukuntu ikipe ye yanganyije ibitego bitatu na Coventry City muri FA Cup yishyuwe, mbere y’uko batsindira kuri penaliti kugira ngo bagere ku mukino wa nyuma wa FA Cup bahasanze Manchester City.

Nubwo United yatsinze,iyo ntsinzi ntiyanyuze benshi kuko yatsinze ibitego 3-0 bakabyishyura, byatumye akazi k’uyu mutoza mukuru w’Umuholandi kajya mu mazi abira.

Man Utd yicaye ku mwanya wa karindwi muri Premier League kandi imaze imikino ine idatsindwa.

Ikinyamakuru The Sun kiravuga ko abakinnyi ba United biteze ko Ten Hag azirukanwa,ndetse uretse Tuchel,biravugwa ko Graham Potter wahoze ari umutoza wa Brighton na Chelsea nawe ari kuganirizwa.

Umutoza Tuchel w’Umudage azava muri Bayern Munichen uyu mwaka w’imikino nurangira,kubera ko yitwaye nabi muri uyu mwaka w’imikino.

Icyakora,uyu mutoza yafashije Bayern kugera muri 1/2 cya UEFA Champions League ndetse kwitwara neza mu mikino y’i burayi biri mu bituma Man United imwifuza.

Amakuru aravuga ko uyuboye ikipe ya Man Utd, Sir Jim Ratcliffe yaganiriye na Tuchel amubaza niba yiteguye akazi muri United.