addresiya
Kigali
startimes

Abadepite muri Amerika baburiwe ko Uburusiya buri kwivanga ngo Trump yongere atorwe

Amakuru   Yanditswe na: Dusingizimana Remy 21 February 2020 Yasuwe: 2368

Inzego z’ubutasi za Leta Zunze Ubumwe z’Amerika zaburiye ko Uburusiya buri kugerageza gufasha Perezida Donald Trump ngo azongere atorwe mu matora ateganyijwe kuba mu kwa cumi na kumwe, nkuko ibitangazamakuru byo muri Amerika bibivuga.



Ibyo byavugiwe mu nama yabereye mu muhezo y’urwego rushinzwe ubutasi rwo mu nteko ishingamategeko y’Amerika ku itariki ya 13 y’uku kwezi kwa kabiri, nkuko abategetsi babibwiye ibitangazamakuru byo muri Amerika.

Amakuru avuga ko Perezida Trump yarakaye bikomeye, yinubira ko abo mu ishyaka ry’abademokarate bakoresha ayo makuru bamwibasira.

Ejo ku wa kane, Bwana Trump yasimbuje Joseph Maguire, wari umuyobozi we w’agateganyo ushinzwe ubutasi.

Ikinyamakuru The New York Times cyatangaje ko perezida Trump yarakajwe mu buryo bw’umwihariko nuko Adam Schiff, umudemokarate wayoboye ibikorwa byo gushaka kumweguza, na we yari muri iyo nama.

Bwana Maguire yahabwaga amahirwe yo guhabwa akazi k’igihe kirekire nk’umuyobozi w’urwego rw’ubutasi [Director of National Intelligence (DNI)], nkuko bitangazwa n’ikinyamakuru The Washington Post.

Ariko icyo kinyamakuru kivuga ko Perezida Trump yisubiyeho ubwo yamenyaga iby’iyo nama, ndetse n’icyo yise no "kutayoboka" k’uwo wari umukozi we.

Muri iki cyumweru, perezida Trump yatangaje ko Maguire azasimburwa na Richard Grenell, ambasaderi w’Amerika mu Budage uzwiho kuba umuntu umwumvira.

Abakozi babiri bo mu butegetsi bwa Trump babwiye The New York Times ko uko gusimbuza Bwana Maguire, mu buryo bwihuse cyane nyuma yo kuba kw’iyo nama itavugwaho rumwe, byombi bifitanye isano.

Abategetsi bo mu butasi bw’Amerika bavuga ko Uburusiya bwivanze mu matora ya perezida w’Amerika yo mu 2016 mu gutera ingabo mu bitugu ibikorwa byo kwiyamamaza kwa perezida Trump no guteza akavuyo mu bikorwa by’amatora muri Amerika.

Abademokarate banenze Perezida Trump kubera gushyiraho Bwana Grenell, mbere uyu akaba yari yarahinyuye ibivugwa ko Uburusiya bwivanze mu matora ya perezida muri Amerika ndetse akaba yarishimiye kwaduka mu Burayi kw’abanyapolitike bafite abatwara y’ubuhezanguni.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba ibintu bitangaje bitazibagirana kuri Jose Perezida w’umukene wabayeho...

Benshi mu babaye abanyapolitiki ku rwego rwo kuyobora ibihugu bagenda...
5 June 2020 Yasuwe: 3703 0

Burundi: Evariste Ndayishimiye yemejwe burundu ko yatsinze amatora y’umukuru...

Kuri uyu wa kane tariki ya 04/06/2020, Urukiko rushinzwe kurengera itegeko...
4 June 2020 Yasuwe: 945 0

Gen. Muhoozi yavuze uburyo Papa we Museveni na Perezida Kagame bakubakirwa...

Kuri uyu wa 4 Kamena 2020, Lt. Gen. Muhoozi Kainerugaba, umuhungu wa...
4 June 2020 Yasuwe: 3600 0

James Mattis wari minisitiri w’ingabo wa Trump yamaganye ibikorwa...

Jenerali James Mattis wari umunyamabanga wa Amerika ushinzwe ingabo...
4 June 2020 Yasuwe: 1276 0

Abapolisi bishe George Floyd bashinjwe ibindi byaha bishobora kubagiraho...

Hatangajwe ibirego bishya ku bapolisi bane birukanwe bari bahari ubwo...
4 June 2020 Yasuwe: 1365 0

Burundi: Ndayishimiye watsinze amatora yise igicucu Agathon Rwasa wanze...

Perezida mushya w’u Burundi Evaritse Ndayishimiye yanenze mugenzi we bari...
1 June 2020 Yasuwe: 3306 1