skol
Kigali
startimes

Abasirikare b’u Burundi biciwe mu gitero cyagabwe mu ishyamba rya Kibira

Amakuru   Yanditswe na: Martin Munezero 22 July 2020 Yasuwe: 10566

Ku wa kabiri tariki ya 21 Nyakanga, abasirikare babiri b’igihugu cyu Burundi biciwe mu ishyamba rya Kibira riherereye muri Komini Mabayi ho mu ntara ya Cibitoke, mu gitero cyagabwe cyakomerekeyemo abantu.



Amakuru avuga ko mu gitondo cy’ejo ku wa kabiri imirambo y’abo basirikare yatoraguwe n’imodoka ya gisirikare ikayijyana i Bujumbura, mu gihe abasirikare bakomeretse bo bagiye kuvurirwa mu bitaro byagizwe ibanga.

Umwe mu basirikare b’u Burundi yabwiye ikinyamakuru SOS Media Burundi ko abasirikare bishwe bari bagiye gukorera irondo mu ishyamba rya Kibira baherekejwe n’imboberakure, yongeraho ko ababagabyeho igitero bavugaga Ikinyarwanda.

Ati: “Baguye mu gico cy’abantu bitwaje intwaro bavugaga Ikinyarwanda bararwana. Abasirikare babiri bapfiriye aho imirwano yabereye. Abandi bane bakomeretse bikomeye.”

Abatuye mu biturage bya Mushanga na Gafumbegeti ho mu gace ka Butahama gaherereye hafi yaho abasirikare b’u Burundi basakiraniye n’ababagabyeho igitero, bavuze ko imirwano yamaze amasaha arenga ane.

Undi musirikare w’u Burundi yabwiye kiriya gitangazamakuru ko batanu mu barwanyi bagabye kiriya gitero bafashwe mpiri, abandi basubizwa inyuma ugana ku gice cy’u Rwanda.

Magingo aya ntiharamenyekana niba bariya barwanyi bagabye igitero ku basirikare b’u Burundi bakicamo babiri, baba bafite aho bahurira n’abagabye igitero mu murenge wa Ruheru w’akarere ka Nyaruguru mu kwezi gushize, bane mu bari kumwe na bo bakivuganwa n’ingabo z’u Rwanda.

Icyo gihe ingabo z’u Rwanda zanafashe mpiri batatu mu bari bagabye icyo gitero, hanafatwa ibikoresho byinshi bya gisirikare.

Igisirikare cy’u Rwanda cyasobanuye ko abagabye icyo gitero bari baturutse mu gihugu cy’u Burundi ndetse akaba ari na ho basubira nyuma yacyo.

Abaturage b’i Burundi icyo gihe batangaje ko bamwe mu barwanyi bari bakomerekeye muri icyo gitero batoraguwe n’imodoka y’umwe mu basirikare bakuru b’u Burundi, bakajya kuvurirwa mu bitaro bitazwi. Abaturage bababonye baraye bagabye igitero i Ruheru ku wa 27 Kamena, bemeje ko na bo bavugaga Ikinyarwanda. Cyakora cyo Igisirikare cy’u Burundi cyavuze ko abo barwanyi ntaho bahuriye na cyo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1642 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 744 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1025 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3480 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1478 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1957 0