Kigali

‘Amerika ntabwo izafatanya n’ Uburusiya mu bya gisirikare’ Mattis

Amakuru   Yanditswe na: 17 February 2017 Yasuwe: 1643

Minisitiri w’ ingabo muri Leta zunze ubumwe z’ Amerika James Mattis yatangaje ko igihugu cye kitazafatanya n’ igihugu cy’ u Burusiya mu bya girikare.

Ibi Mattis yabitangaje mu kiganiro yahaye itangazamakuru kuri uyu wa Kane tariki 16 Gashyantare 2017.

Mattis yavuze ko iyo arebye uburyo umubano w’ ibihugu byombi uhagaze muri iki gihe abona bitashoboka ko ibihugu byombi bigirana ubufatanye mu bya gisirikare. Gusa avuga ko abakuru b’ ibihugu byombi bazakomeza gushakira hamwe umuti w’ ibibazo bivugwa hagati y’ ibi bihugu.

Yabitangarije mu nama yahuje ibihugu byo mu majyaruguru y’ inyanja ya Atlantika byashize umukono ku masezerano yo gutabana(OTAN). Iyi nama yabereye I Buruxelles mu gihugu cy’ u Bubiligi.

Mattis avuga ko kugira ngo Leta zunze ubumwe z’ Amerika zemere gufatanya mu bya gisirikare n’ igihugu cy’ u Burusiya bisaba ko u Burusiya bubanza bukubahiriza amategeko mpuzamahanga.

Mattis yatangaje ibi mu gihe Minisitiri w’ ingabo w’ u Burusiya Sergei Shougu aherutse kuvuga ko u Burusiya bwiteguye kongera gukorana na Minisiteri y’ ingabo muri Leta zunze ubumwe z’ Amerika.

Minisitiri Mattis yavuze ko ibihugu bigize OTAN nibikomeza kugenda biguruntege mu gutanga imisanzu yo gufasha uyu muryango Leta Zunze Ubumwe z’ Amerika nayo izagabanya umusanzu yawutangagamo.

Umuryango wa OTAN washinzwe tariki 4 Mata 1949, ugizwe n’ ibihugu 28, birimo n’ u Bubiligi arinaho hari icyicaro gikuru cyaho.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda : Umuhanzi Depite Bobi Wine yahagarikiwe igitaramo

Ubuyobozi sitade ya Namboole , bwasohoye itangazo ko umuhanzi...
14 October 2018 Yasuwe: 814 0

Ushinzwe kwandika imbwirwaruhame za Museveni yagaruye iyatambutse umwaka...

Mu ijambo Perezida Museveni yavuze ku munsi w’ ubwigenge ku nshuro ya 56...
11 October 2018 Yasuwe: 1590 0

Ikihishe inyuma yo kuba Nikki Haley yanze gukomeza guhagararira Amerika...

Kuri uyu wa Kabiri tariki 9 Ukwakira 2018 imwe mu nkuru zavunzwe mu...
10 October 2018 Yasuwe: 1367 0

Perezida Erdogan arashaka kumenya koko niba umunyamakuru w’ inshuti ye Jamal...

Perezida wa Turikiya Recep Tayyip Erdogan yasabye abategetsi ba Arabie...
9 October 2018 Yasuwe: 1259 0

Perezida Kim Jong un wa Koreya ya Ruguru yatumiye Papa Francis

Perezida wa Koreya ya ruguru yatumiye Papa Francis ngo azasure Koreya ya...
9 October 2018 Yasuwe: 746 0

Uwahoze ari intumwa nkuru ya Leta ya Uganda yitabye Imana

Peter Nyombi wigeze kuba Intumwa nkuru ya Leta ya Uganda yitabye Imana ku...
8 October 2018 Yasuwe: 819 0