Kigali

Amerika yavuze ko abasirikare bayo 34 bangiritse ubwonko kubera Misile batewe na Irani

Amakuru   Yanditswe na: Dusingizimana Remy 25 January 2020 Yasuwe: 5943

Ibiro by’ingabo z’America, Pentagone, byatangaje ko abasirikare 34 b’iki gihugu bangiritse ubwonko kubera ibisasu bya misile Iran yagabye ku birindiro byabo muri Iraq mu ntangiriro z’uyu mwaka.



Kuwa 08 Mutarama 2020 nibwo Iran yateye misile 22 ku birindi 2 by’ingabo za USA muri Iraq,mu rwego rwo kuyihoreraho iyiziza kwicira Gen. Qassem Soleimani ku kibuga cy’indege cya Baghdad tariki ya 3 Mutarama.

Nyuma y’ibi bitero bya MisilePerezida Trump wa US yavuze ko nta musirikare wabo wishwe n’ibi bisasu gusa Pentagon yavuze ko ibi bisasu byatumye abasirikare 34 ba US bagize ubumuga bwo mu bwonko.

Pentagone ivuga ko nta musirikare n’umwe waguye muri icyo gitero cya Irani cy’ibisasu bya misire ku birindiro bya Ain al-Asad, kuko hafi ya bose bari mu buvumo ubwo ibyo bisasu byaterwaga.

Ejo ku wa gatanu, umuvugizi wa Pentagone, Jonathan Hoffman, yabwiye abanyamakuru ko abasirikare umunani mu bagize ibibazo bajyanwe muri Amerika kugira ngo bakomeze kuvurwa, mu gihe abandi icyenda bo batwawe mu Budage.

Jonathan Hoffman yavuze ko aba basirikare bagize ibikomere mu bwonko, yemeza ko abasirikare 17 bacyitabwaho n’abaganga, abandi 17 basubiye mu kazi.

Trump wavuze ko nta byangiritse, nta n’inkomere z’iki gitero, yabajijwe ku by’aba basirikare bagize ikibazo cy’ihungabana, asubiza ko yumvishe bamubwira ko ari ‘imisonga yo mu mutwe barwaye, mbese ari ibintu byoroshye.

Bwana Hoffman avuga ko umunyamabanga ushinzwe umutekano wa US, Mark Esper atahise abona amakuru y’uko haba hari abasirikare bagize ibibazo mu minsi yakurikiye iki gitero.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda yahagaritse Pasiporo ya Mukankusi uri mu buyobozi bwa...

Igihugu cya Uganda cyamaze gutangaza ko cyahagatse Pasiporo ya Charlotte...
21 February 2020 Yasuwe: 2806 1

Burundi: Abatavuga rumwe na Leta baheze I Kampala bategereje ko Nkurunziza...

Umugabo witwa Jérémie Ngendakumana yatangaje ko we n’abandi bahunze ubutegetsi...
18 February 2020 Yasuwe: 2093 0

Gen.Ndayishimiye Evariste uzahagararira CNDD FDD mu matora ya perezida...

Umunya politike uherutse gutorerwa kuzahagararira ishyaka rya CNDD FDD mu...
17 February 2020 Yasuwe: 4427 0

Burundi: Agathon Rwasa niwe watorewe kuzahagararira ishyaka CNL mu matora...

Uwashinze ishyaka rya CNL,Bwana Agathon Rwasa ninawe wamaze kwemezwa...
16 February 2020 Yasuwe: 1601 0

Perezida Kagame yitabiriye umuhango wo gusezera bwa nyuma kuri Daniel Arap...

Kuri uyu wa Kabiri taliki ya 11 Gashyantare 2020 nibwo haraba umuhango wo...
11 February 2020 Yasuwe: 3573 1

Ubushinwa bwakuye mu myanya abayobozi bitwaye nabi ku kibazo cya...

Ubushinwa "bwakuyeho" abategetsi benshi bo ku rwego rwo hejuru kubera uko...
11 February 2020 Yasuwe: 1615 0